Beynəlxalq Enerji Agentliyi rəhbərinin neft arzuları, sərmayə planları və istehsal proqnozları...

Tarix: 18.11.2015 / 01:41
Bölmə: İqtisadiyyat

Rəsul Cahangirli: "Bəlli bir müddətdən sonra ucuzlaşma neftin maya dəyərinə ciddi təsir göstərdikdə qiymətlər bahalaşacaq"

"Başlıca problem ondan ibarətdir ki, qlobal iqtisadi böhran üzündən dünyada neftə olan tələbat azalıb"

"Dünyada neft sektoruna qoyulan investisiyanın həcmi ardıcıl 2 il ərzində kəskin şəkildə azalacaq. Bu, son 30 ildə ilk dəfə müşahidə olunan bir tendensiyadır". Yayılan məlumata görə, "G-20" (Böyük İyirmilər) sammiti çərçivəsində Antalyada mətbuat konfransı keçirən Beynəlxalq Energetika Agentliyinin icraçı direktoru Fatih Birol sözügedən açıqlama ilə çıxış edib.

Bununla yanaşı, BEA direktoru bunu bir sıra arqumentlərlə əsaslandırıb. Birol bildirib ki, hesablamalara görə, təkcə bu il neft investisiyaları 20 faiz civarında ixtisar olunacaq.

Agentlik direktorunun açıqlamasından o da məlum olub ki, eyni hal növbəti il də müşahidə olunacaq. Ucuz neft-qaz qiymətləri "ekoloji təmiz energetika texnologiyalarına keçidi" əhəmiyyətli dərəcədə ləngidəcək. İcraçı direktor əlavə edib ki, enerji bazarlarında qiymətlərin sabit şəkildə ucuz qalması digər fəsadlara da yol aça bilər. Belə ki, ucuz qiymət faktoru Şimali Amerika, Braziliya, Afrika və Rusiyada neft hasilatını zəiflədəcək, digər tərəfdən isə tərs mütənasib olaraq Yaxın Şərqin dünya neft ixracatındakı payı artacaq. Hazırda qlobal neft ixracatının təqribən 55%-i Yaxın Şərq regionunun payına düşür.

Şübhəsiz ki, neft sektoruna qoyulan sərmayənin azalması bəlli bir müddətdən sonra hasilatın azalmasına gətirib çıxaracaq. Başqa bir tərəfdən də, yuxarıda qeyd olunduğu kimi, ucuz neft alternativ enerjilərə də marağı azaldacaq.

Maraqlıdır, bütün bunlar nəticə etibarilə neft hasilatının azalmasına və qiymətin qalxmasına gətirib çıxara bilərmi?

Məsələyə münasibət bildirən ekspert Rəsul Cahangirlinin sözlərinə görə, proseslər bu cür davam edəcəksə, müəyyən müddətdən sonra neft hasilatı kəskin şəkildə azala bilər: "Hasilatın azalması neftə olan tələbatın artmasına və son nəticədə qiymətin bahalaşmasına gətirib çıxara bilər. Ancaq bir sıra digər faktorlar neftin bahalaşmasını əngəlləyir. Başlıca problem ondan ibarətdir ki, qlobal iqtisadi böhran üzündən dünyada neftə olan tələbat azalıb. Xüsusən də Çin və Hindistan iqtisadiyyatında müşahidə olunan durğunluq neftə olan tələbatı azaldıb ki, bu da qiymətlərin aşağı düşməsinə öz təsirini göstərir. Bu sahədə başqa bir problem ondan ibarətdir ki, ABŞ neft ehtiyatlarını istifadə etməyə başlayır. Bununla yanaşı, ehtiyat yataqlarda hasilata start verilib. Belə ki, neçə illər idi bu yataqlardan istifadə olunmurdu. Ən nəhayət, embarqoların götürülməsi ilə əlaqədar İran neftini dünya bazarına çıxaracaq. Bütün bunlar bazarda təklifin tələbi üstələməsini stimullaşdırır. Bu səbəbdən ola bilsin ki, neftin qiyməti yaxın perspektivdə kəskin bahalaşmasın. Ancaq bəlli bir müddətdən sonra ucuzlaşma neftin maya dəyərinə ciddi təsir göstərdikdə qiymətlər bahalaşacaq".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...