Azərbaycanda "qocalan" maşınların "su qiymətinə" satış dövrü başlayır

Tarix: 17.11.2015 / 02:26
Bölmə: İqtisadiyyat

Avtomobil bazarında son aylarda yaşanan durğunluq hələ də davam etməkdədir. Belə vəziyyət maşınların qiymətinin ötən dövrlə müqayisədə əhəmiyyətli dərəcədə ucuzlaşması ilə müşayiət olunur. Xüsusən də köhnə hesab olunan maşınlar daha çox ucuzlaşır. Bu arada taksilərlə bağlı yeni standartların tətbiqi buraxılış ili köhnə olan maşınların qiymətini daha da aşağı salacağı gözlənir.

Yeni standarta əsasən, ölkədə istismar edilən taksi minik avtomobillərinin buraxılış ili 15 ildən artıq olmamalıdır. Məhz bu tələb avtomobil bazarında 2000-ci ildən əvvəl istehsal olunmuş avtomobillərin qiymətinin daha da aşağı düşməsinə səbəb olub.

Bir neçə gün öncə Bərdədə yerləşən avtomobil bazarında olmuş alıcılar "Marja" portalına bildiriblər ki, bazarda qiymətlərin xeyli düşdüyü müşahidə olunur. Xüsusilə yeni tələbdən xəbər tutan taksi avtomobili sahibləri köhnə avtomobillərini satıb, yaşı ən azı 10 ildən çox olmayan avtomobil almağa cəhd edir. Lakin buna elə də tez nail olmaq mümkün olmur. Bir sözlə, satan çox, alan isə azdır. Yeni standartın tətbiqi buraxılış ili 2005-2012-ci il tarixləri arasında olan avtomobillərə tələbi artırsa da, insanlar köhnə avtomobilini sata bilmədiyindən nisbətən yenisini ala bilmir.

Qeyd edək ki, Standartlaşdırma, Metrologiya və Patent üzrə Dövlət Komitəsi tərəfindən AZS 425-2015 "Sərnişin stansiya qurğuları və avtomobilləri" dövlət standartı təsdiq edilib.

Yeni standarta əsasən, ölkədə istismar edilən taksi minik avtomobilləri nəqliyyat vasitəsinin qeydiyyat şəhadətnaməsində göstərilən buraxılış ili 15 ildən artıq olmayan avtomobillər olmalıdır. Məhz bu da 2000-ci ildən əvvəl istehsal olunmuş avtomobillərin qiymətinin xeyli aşağı düşməsinə və bazarda belə maşınların sayının artmasına səbəb olub.

Ümumiyyətlə, hazırda bütün köhnə avtomobillərin qiymətində müəyyən qədər ucuzlaşma müşahidə olunur. Ekspertlər vurğulayır ki, istismarda olan avtomobillərin qiymətinin düşməsi bazardakı passivliklə bağlı olan məsələdir. Alqı-satqının kəskin azalması istismarda olan avtomobillərin qiymətinin aşağı düşməsinə səbəb olur. Digər tərəfdən, dünya bazarında gedən iqtisadi proseslər, neftin ucuzlaşması, xarici valyutaların məzənnəsindəki dəyişikliklər də Azərbaycan avtomobil bazarına təsir göstərir. Bundan əlavə, hazırda müştərilər daha çox yeni maşın almağa üstünlük verir. Araşdırmalar göstərir ki, tədricən ili köhnə olan avtomobillərə maraq azalır. Ekspertlər hesab edir ki, bazarda üstünlük artıq 2001-ci ildən bu yana istehsal olunmuş avtomobillərə keçib.

Bu vəziyyətdə Azərbaycana işlənmiş maşınların gətirilməsi də azalır. Xatırladaq ki, ölkəmizə belə maşınlar əsasən qonşu Gürcüstandan idxal olunur. 2015-ci ilin yanvar-avqust aylarında isə Gürcüstandan Azərbaycana 2844 minik avtomobili ixrac olunub ki, bu da ötən ilin müvafiq dövrünün göstəricisindən 4,8 dəfə azdır. Gürcüstan Milli Statistika Xidmətinin 2015-ci ilin ilk 8 ayının yekunları üzrə xarici ticarət haqqında hesabatına əsasən, qeyd edilən dövrdə Gürcüstandan Azərbaycana ümumi dəyəri 51,24 milyon dollar olan avtomobillər ixrac edilib. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 3,55 dəfə, say nisbətində isə 10 min ədəddən çox azalıb. Müqayisə üçün bildirək ki, 2014-cü ilin yanvar-avqust aylarında Gürcüstandan Azərbaycana 182,13 milyon dollar həcmində 14 min avtomobil ixrac edilib. Ölkəyə avtomobil idxalının azalması həm də 2014-cü il aprel ayının 1-dən Azərbaycanda tətbiqinə başlanan "Avro-4" ekoloji standartına keçidlə izah edilir. "Avro-4"ün tətbiqi Gürcüstandan Azərbaycana idxal olunan nəqliyyat vasitələrinin böyük hissəsini təşkil edən köhnə avtomobillərin ölkəyə gətirilməsini məhdudlaşdırır. Hesab edilir ki, cari ilin sonuna olan vəziyyət Gürcüstandan Azərbaycana gətirilən maşınların sayının daha da azalmasını üzə çıxaracaq. Əvəzində yeni maşınların gəlişində əhəmiyyətli dərəcədə artım gözlənir. Ekspertlər hazırda bazarda durğunluq olduğunu, müştərilərin qiymətlərin aşağı düşəcəyini gözlədiyini bildirir. Bu da, əsasən, köhnə maşınların daha sürətlə ucuzlaşmasına rəvac verir.

Tahir TAĞIYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...