Azərbaycan XİN-in MQ həmsədrlərinə sərt cavabı anlayışla dəstəklənir

Tarix: 14.11.2015 / 02:07
Bölmə: İqtisadiyyat

İsmayıl Ağayev: "Onlar sanki bu konflikti monopoliyaya almaq istəyirlər"

"Azərbaycan XİN-i adından verilən cavabı məntiqli və tutarlı sayıram"

Azərbaycan Dağlıq Qarabağ münaqişəsi üzrə danışıqlar formatının dəyişməsini "maneə" hesab edən ATƏT-in Minsk Qrupuna etiraz edib.

Xarici İşlər Nazirliyinin sözçüsü Hikmət Hacıyev Minsk Qrupu həmsədrlərinin "inhisarçı və özünütəcrid" mövqeyində çıxış etdiyini deyib.

Ötən gün həmsədrlər AŞPA Siyasi Məsələlər və Demokratiya Komitəsinin üzvü, Böyük Britaniyanı təmsil edən deputat Robert Valterin hazırladığı "Dağlıq Qarabağ və Azərbaycanın digər işğal olunmuş ərazilərində zorakılığın artması" adlı məruzəsinə işarə edərək bildirib ki, məsələ ilə bağlı ATƏT-in Minsk Qrupu çərçivəsindən kənar "format" və "işçi qrupları"n yaradılması "yolverilməzdir".

Ermənistan tərəfi də bundan öncə həmsədrlərin fikirləri ilə həmrəylik bildirib. Ermənistanın xarici işlər naziri Edvard Nalbandyan Robert Valteri "qərəzli" adlandırıb.

Valter-in məruzəsində "Ermənistan qoşunlarının Dağlıq Qarabağ və digər işğal olunmuş ərazilərdən çıxarılması və həmin ərazilərdə Azərbaycanın tam hakimiyyətinin bərpası" tələb olunur.

Azərbaycan isə Minsk Qrupu həmsədrləri- Ceyms Uorlik (ABŞ), Pyer Andryu (Fransa) və İqor Popovun (Rusiya) belə bəyanatının "Ermənistanın maraqlarına xidmət etdiyini" qeyd edib.

"Ermənistanı Azərbaycana qarşı işğalının davam etməsi və həmsədr ölkələrin dövlət başçılarının müvafiq bəyanatlarında qəbuledilməz və qeyri-davamlı hesab etdiyi mövcud status-kvonun saxlanması təmin edir", cənab Hacıyev deyib.

Onun sözlərinə görə, həmsədrlərdən danışıqlar prosesində münaqişənin həlli ilə əlaqədar beynəlxalq ictimaiyyətin iradəsini əks etdirən BMT Təhlükəsizlik Şurası və BMT Baş Assambleyasının müvafiq qətnamələri, Qoşulmama Hərəkatı, İslam Əməkdaşlıq Təşkilatı, Avropa Şurası Parlament Assambleyasının sənədləri, eləcə də Avropa İnsan Hüquqları Məhkəməsinin aidiyyəti qərarlarının icrasını təmin etmələri tələb olunur.

"İşğal və təcavüz faktı mövcud olduğu halda, həmsədrlərin münaqişənin həlli ilə bağlı tərəflərin qərar qəbul etməli olması haqqında bəyanatla çıxış etməsi məsuliyyətdən qaçmaq və beynəlxalq ictimaiyyətin verdiyi mandat və etimada xilaf çıxmaqdan başqa bir şey deyil" - deyən H.Hacıyev əlavə edib ki, Azərbaycan münaqişənin həllinə həqiqətən töhfə vermək niyyətində olan beynəlxalq təsisatlarla təmaslarını davam etdirəcək.

Ermənistanla Azərbaycan arasında 20 ildən çoxdur beynəlxalq birliklər tərəfindən Azərbaycan ərazisi kimi tanınan Dağlıq Qarabağ uğrunda münaqişə davam edir.

Azərbaycan Xarici İşlər Nazirliyinin mövqeyinə münasibət necədir?

Beynəlxalq Diaspor Mərkəzinin sədri İsmayıl Ağayev qəzetimizə açıqlamasında bildirdi ki, Azərbaycanın bu məsələdəki rəsmi mövqeyi tamamilə haqlıdır: "Həmsədrlərin mövqeyindən belə nəticəyə gəlmək olar ki, onlar sanki bu konflikti manopoliyaya almaq istəyir. Beynəlxalq hüququn bu məsələdə bizim tərəfimizdə olduğunu nəzərə alsaq, sual yaranır: "Həmsədrlər indiyə kimi niyə həmin müddəalara əsaslanaraq münaişənin həllinə təkan verə bilməyiblər?" Deməli, siyasi istəkləri və ya təmsil olunduqları dövlətlərin maraqları buna imkan verməyib. Belə olan halda, təbii ki, Azərbaycana münaqişənin həllinə təkan verən istənilən format sərf edir. Bu məsələdə həmsədrlərin narahatlığına zərrə qədər əsas görmürəm. Azərbaycan XİN-i adından verilən cavabı məntiqli və tutarlı sayıram".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...