Azərbaycanda adambaşına 675 dollar xarici borcdan narahat olmağa dəyərmi...

Tarix: 23.10.2015 / 02:51
Bölmə: İqtisadiyyat

Pərviz Heydərov: "Xarici borclanma ilə bağlı narahatlığa hələ ki, heç bir əsas yoxdur"

"2006-cı ildən etibarən dünya bazarlarında neftin qiymətinin bahalaşması ölkənin vəziyyətini daha sürətlə yaxşılaşdırdı"

Bu gün Azərbaycanın xarici dövlət borcunun aşağı səviyyədə olması da ölkədə həyata keçirilən düzgün iqtisadi siyasətin bariz nümunəsi sayılır. Belə ki, ölkənin xarici dövlət borcunun ÜDM-ə nisbəti 11-12 faiz təşkil edir.

Müqayisə üçün deyək ki, inkişaf etmiş ölkələrin bəzilərində bu, 100 faizdən çoxdur. Dövlət borclarına gəlincə, Azərbaycan bu məsələdə ən yaxşı göstəricilərdən birinə malikdir. Azərbaycanın bu günə olan 6 milyard 621.2 milyon dollar həcmində dövlət borcu dünyada ən aşağı borclanma göstəricilərindən biridir və bu borcun adambaşına düşən həcmi 675 dollara bərabərdir. Müqayisə üçün deyək ki, bu rəqəm ABŞ-da 57 000 dollara, Böyük Britaniyada 158 000 dollara, Rusiyada 4200 dollara, Gürcüstanda 2400 dollara, Ermənistanda 2700 dollara bərabərdir. Bütün bunlar onu göstərir ki, hazırda Azərbaycanda borclanmaya dair beynəlxalq standartların tələb etdiyi bütün göstəricilər kifayət qədər yüksəkdir. Buna rəğmən, hökumət borcların miqdarını azaltmağı düşünür.

MDB-nin aparıcı ölkəsi Rusiyada xarici borcun ümumi məbləği 599 milyard dollardır. Xarici borcun ÜDM-ə nisbəti 33 faiz təşkil edir. Qonşu Gürcüstanda isə məcmu xarici borcların məbləği 14 milyard dollara yaxın olmaqla ÜDM-in 82 faizini təşkil edir. Belarusun məcmu xarici borclarının məbləği bu ilin iyul ayına olan rəqəmlərə görə, 38 milyard dollara yaxındır, adambaşına düşən xarici borc məbləği 4 min dollardan çoxdur.

Beləliklə, Azərbaycan bir sıra ölkələrlə müqayisədə ən az xarici borcu olan ölkələrdən biridir. Üstəlik, xarici borcun ÜDM-dəki payı cəmi 12 faiz təşkil edir ki, bu da hökumətə gəlirlərin azaldığı bir vaxtda xarici kreditlərdən istifadə etmək üçün yaxşı imkanlar açır.

Maraqlıdır, ekspertlər bu sahədə vəziyyəti necə dəyərləndirir?

Sözügedən məsələni dəyərləndirən iqtisadçı-ekspert Pərviz Heydərov hesab edir ki, bu sahədə ciddi narahatlığa əsas yoxdur: "Tarixə nəzər yetirsək görərik ki, Azərbaycan iqtisadiyyatında 1995-ci ildən sonrakı dövrü sabitlik, 2000-ci ildən yüksəliş və 2005-ci ildən isə sıçrayışlı inkişaf mərhələlərinə bölmək mümkündür. 2006-cı ildən etibarən isə dünya bazarlarında neftin qiymətinin bahalaşması ölkənin vəziyyətini daha sürətlə yaxşılaşdırdı. Düzdür, belə bir şəraitdə beynəlxalq maliyyə qurumlarından cəlb olunan kreditlər əslində azaldılmalı idi. Amma biz bu tendensiyanı müşahidə etmədik. Ancaq bütün bunlara rəğmən, təcrübəyə və ümumiyyətlə, xarici borca dair təsbit edilmiş müvafiq meyarlara əsasən, bizdə vəziyyət yaxşıdır. Xüsusən də ABŞ-da, o cümlədən bir sıra Avropa ölkələrində bu sahədə artıq uzun müddətdir yaranmış real vəziyyətə görə, bizdə bu sahədə narahatlığa hələ ki, heç bir əsas yoxdur.

Əvvəla Azərbaycanın xarici dövlət borcunun real səviyyəsi təsdiq olunmuş təhlükəli həddə - ÜDM-in 30-35 faizindən çox deyil. Avropa ölkələrində o bunu çoxdan keçdiyi halda, bizdə ona heç yaxın da təşkil etmir.

Digər tərəfdən, xarici borca xidmət sahəsində Azərbaycanın dövlət büdcəsinin xeyli geniş imkanları mövcuddur. Üstəlik, dünyanın bir sıra aparıcı ölkələrində artıq uzun müddətdir müşahidə edilən iqtisadi və maliyyə böhranı üzündən hələ əlavə addımlar atmaq üçün də şərait yaranır".

Vidadi ORDAHALLI

DİGƏR XƏBƏRLƏR

Tarix: 12.12.2025 / 21:49

Avropa "Yaşıl keçid" istəyir, Azərbaycan buna da hazırdır...

Tarix: 11.12.2025 / 19:04

Mərkəzi Bank 7.25-dən başlayıb 6.75-ə düşdü - nə dəyişəcək?...

Tarix: 11.12.2025 / 18:11

2029-cu ildə Azərbaycan iqtisadiyyatı əsasən rəqəmsallaşacaq...

Tarix: 10.12.2025 / 18:15

Bu ölkə ilə Azərbaycanın geniş qarşılıqlı sərmayələr dövrü başladı...

Tarix: 10.12.2025 / 17:50

Rəqəmsal iqtisadiyyatın inkişafına dair 2026–2029-cu illər üçün Strategiya təsdiq edildi - SƏRƏNCAM

Tarix: 10.12.2025 / 17:43

Azərbaycan Biznesinin İnkişafı Fondu Açıq Səhmdar Cəmiyyətinə çevrildi - FƏRMAN

Tarix: 10.12.2025 / 12:15

Mərkəzi Bank uçot dərəcəsini azaltdı

Tarix: 10.12.2025 / 12:03

Mərkəzi Bank inflyasiya proqnozlarını açıqladı...

Tarix: 09.12.2025 / 19:50

Ölkədə kiçik və makro biznesin sayı sürətlə azalır - sürət 19 faiz artıb...

Tarix: 09.12.2025 / 19:36

Azərbaycanda Süni İntellekt Akademiyası... Sosial-iqtisadi tərəqqinin yeni mənbəyi...

Tarix: 09.12.2025 / 14:31

Şahdəniz kompressiya platformasının dayaq blokunun tikintisi üzrə müqavilə imzalandı

Tarix: 09.12.2025 / 13:52

"Azad olunmuş ərazilərin bərpasına büdcədən 25 milyard manatdan çox vəsait ayrılıb" - Baş nazir

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 12.12.2025 / 21:49

Avropa "Yaşıl keçid" istəyir, Azərbaycan buna da hazırdır...

Tarix: 12.12.2025 / 20:25

Bəs deyirdilər Qarabağdan 120 min erməni gedib? - 23 min nə deməkdir?

Tarix: 12.12.2025 / 18:08

Emin Əmrullayevin hədəfi doğru, seçdiyi üsul mübahisəli...

Mədəni-maarif proqramları Azərbaycan cəmiyyətinin rifahı üçün strateji əhəmiyyət daşıyır