Kaxa Kaladzenin "Azərbaycan qazı" açıqlamasında təmənna motivləri göründü

Tarix: 22.10.2015 / 03:12
Bölmə: İqtisadiyyat

İlham Şaban: "Kaxa Kaladzenin gündə bir açıqlama verməsi o demək deyil ki, Azərbaycan bərk narahat olmalıdır"

"Bu amildən istifadə edib qazı daha da ucuz almaq istəyirlər"

Gürcüstanda "Qazprom"la danışıqlar və Azərbaycan qazına alternativ mənbələrin axtarışı ətrafında ziddiyyətli situasiya davam edir. Hökumət rəsmilərinin "Qazprom"la danışıqların ancaq Ermənistana qaz tranziti ilə əlaqəli olduğuna dair bəyanatlarına baxmayaraq, energetika naziri Kaxa Kaladze Rusiyadan əlavə qaz almağa ehtiyac olduğunu bildirib.

Bununla belə, nazir deyib ki, hələlik Rusiyadan hansı həcmdə və hansı qiymətə qaz alınacağını bilmir.

K.Kaladze müxalifətin bu məsələ ətrafında qeyri-sağlam eyforiya qaldırdığını deyərək bildirib ki, Azərbaycanda Gürcüstanın qaza olan tələbatını ödəmək üçün resurs yoxdur. Ona görə də Gürcüstan Rusiyadan əlavə həcmdə qaz almalıdır: "Nəyə görə əlavə qaz həcmi yoxdur? Bunu Azərbaycandan soruşmaq lazımdır. Onda mən sizdən soruşuram ki, nəyə görə Azərbaycan "Qazprom"la müqavilə bağlayır? Bir halda ki onların öz tələbatını ödəməyə bəs edəcək qədər qazı var, onda niyə Rusiyadan qaz alırlar?".

K.Kaladzenin sözlərindən o da məlum olub ki, "Qazprom" əlverişli qiymət təklif edərsə, bu layihə reallaşdırılacaq: "Bu gün "Qazprom"la mövcud olan müqavilə 2003-cü ildə imzalanıb. Həmin dövrdən bu günədək müqaviləyə 21 əlavə edilib. Uzun illərdir bu şirkətlə imzalanan müqavilə qüvvədədir. Həmin mövzuda ən çox danışan insanlara bu hamıdan yaxşı məlumdur. Mövcud müqavilə çərçivəsində danışıqlar və görüşlər hətta Saakaşvili rejimi zamanı da aparılıb. Hətta Rusiya ilə müharibədən sonra Gürcüstan tranzit hesabına (Rusiyadan Ermənistana nəql olunan - red.) aldığı qazdan əlavə də Rusiyadan qaz alıb".

Rusiyanın Gürcüstanla gərgin siyasi münasibətlərini şərh etməyə ehtiyac yoxdur. O da məlumdur ki, Azərbaycan Gürcüstanın ən çətin vaxtında ölkəni qazla təmin etdi. Bütün bunlarla yanaşı, Azərbaycanın Gürcüstana satdığı qazın qiyməti kifayət qədər aşağıdır. Belə olan halda, Kaxa Kaladzenin son vaxtlar artan ikibaşlı oyunları nəyə hesablanıb?

Məsələyə münasibət bildirən Neft Araşdırmaları Mərkəzinin rəhbəri İlham Şabanın sözlərinə görə, bu minvalla Gürcüstan istəyir ki, Azərbaycandan qazı daha ucuz qiymətə alsın: "Yaxşı olardı ki, Azərbaycanın rəsmi şəxsləri bununla bağlı açıqlama versin. Uzun müddətdir biz bunu görmürük. Bu da cəmiyyətdə çaşqınlığa səbəb olur. Hər halda, Gürcüstan rəsmilərinin Azərbaycana səfərləri səbəbsiz olmaz. Kaxa Kaladzenin gündə bir açıqlama verməsi o demək deyil ki, Azərbaycan bərk narahat olmalıdır. Bəziləri iddia edir ki, guya Rusiya Gürcüstanın qaz bazarını tutacaq və bundan Azərbaycan ciddi ziyan çəkəcək. Deyilənlər reallığa uyğun deyil. Reallıq ondan ibarətdir ki, qazın istehlak səviyyəsi birbaşa iqlimlə əlaqədardır. Mövsüm mülayim keçəndə qaz istehlakının səviyyəsi aşağı olur, sərt keçəndə isə tələbat kəskin artır. Hazırda Gürcüstanın qaza olan tələbatı 2 milyard kubmetrdən bir az artıqdır. Builki qış mövsümü mülayim keçib. Ancaq qarşıdakı qış mövsümünün sərt keçəcəyi ilə bağlı çoxsaylı proqnozlar var. Ona görə də Gürcüstanın qaz istehlakının 300 milyon kubmetrədək artacağı gözlənir. Belə olan şəraitdə Azərbaycanın da qaz istehlakı artacaq. Azərbaycan hələlik Gürcüstanın artacaq tələbatını verə bilmir. Ona görə də tələbatın artacağını görən Gürcüstan yerdə qalan hissəni Rusiya hesabına ödəmək istəyir. Sadəcə, bu amildən istifadə edib, görünür, qazı daha da ucuz almaq istəyirlər".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...