Azərbaycanın dövlət büdcəsində azalma olsa da, yaşayış minimumunda artım var

Tarix: 21.10.2015 / 02:48
Bölmə: İqtisadiyyat

Oqtay Haqverdiyev: "Ölkədə 4 milyona yaxın əmək qabiliyyətli insan var"

"Yaşayış minimumu insanın aclıqdan ölməməsi üçün lazım olan kaloriyə uyğun hesablanır"

Gələn ilin dövlət büdcəsində yaşayış minimumunun qiyməti 136 manat səviyyəsində götürülüb. Bu da cari il üçün nəzərdə tutulan 131 manatlıq səviyyədən 3,8 faiz yüksəkdir.

2016-cı ilin büdcə xərclərində, ümumiyyətlə, 22,9 faiz azalma olmasına baxmayaraq, Azərbaycan artıq on ildir davam edən ənənəyə uyğun olaraq bu il də yaşayış minimumunu, müvafiq sosial ayırmaları artırıb. 2015-ci il büdcəsində də yaşayış minimumu əvvəlki ilə baxanda 4,8 faiz artırılmışdı. "Yaşayış minimumu haqqında" Qanuna əsasən, yaşayış minimumu minimum istehlak səbətinin dəyəri və icbari ödənişlərin cəmindən ibarət sosial normadır. Yəni vətəndaşın yaşaması üçün lazım olan ərzaqların, geyimlərin və digər məişət avadanlıqlarının, həmçinin kommunal xidmətlərin toplam qiymətindən ibarətdir. Ölkədə bir çox sosial müavinətlər bu göstərici əsasında müəyyən edilir.

Bütövlükdə götürəndə, son 10 il üzrə yaşayış minimumu 112,5 faiz, yəni təxminən 2,1 dəfə artıb. 2006-cı ildə Azərbaycanda yaşayış minimumunun qiyməti 64 manat təşkil etmişdi. Azərbaycanın təxminən 130 dollara bərabər yaşayış minimumu göstəricisi region ölkələri müstəvisindən baxanda da normal görünür. Məsələn, bu, Rusiyanın 158 dollara bərabər göstəricisindən aşağı olsa da, Gürcüstanın 70 dollara bərabər müvafiq göstəricisindən xeyli yüksəkdir.

Görünən odur ki, gələnilki büdcənin az olmasına baxmayaraq, yaşayış minimumunun həcmi artırılıb. Bu da ümumən müsbət göstəricidir. Bəs ekspertlər məsələyə necə yanaşır?

Sözügedən məsələni dəyərləndirən iqtisadçı-ekspert Oqtay Haqverdiyevin fikrincə, yaşayış minimumu insanın aclıqdan ölməməsi üçün lazım olan kaloriyə uyğun hesablanır: "Hesablanmış ərzaqdan aşağı səviyyədə kalori qəbul edən insan aclıqdan ölə bilər. Buna görə də həmin səviyyədən aşağı göstəriciyə uyğun yaşayanlar artıq yoxsul sayılır. Azərbaycan vətəndaşları normal yaşamaq üçün 2 dəfəyə qədər artıq pul qazanmalıdır. Mən Dünya Bankının normativləri əsasında araşdırma aparmışam. Azərbaycanda dörd nəfərlik ailə normal yaşamaq üçün ən azı 1000 manat gəlir əldə etməlidir. Bunun üçünsə ailənin iki fərdi 450 manat ətrafında dəyişən orta maaş göstəricisindən bir qədər çox pul qazanmalıdır. Bu pulu ölkə üzrə əmək qabiliyyətlilərin təxminən 30 faizi qazanır.

Ölkədə 4 milyona yaxın əmək qabiliyyətli insan var. Onların yalnız 1,3 milyonu muzdla işləyir, yəni orta maaş göstəricisinə yaxın daimi maaşları var. Yerdə qalanları rəsmi işdən başqa, digər işlər görməklə ailəsini dolandırır. Məsələn, müəllim işdən sonra repetitorluqla məşğul olur, həkim yaşadığı məhəllədə hansısa xəstəyə iynə vurur və s. Hər halda bütün bunlar nəzərə alınmalıdır. Onu da nəzərə almaq lazımdır ki, büdcənin imkanları daxilində yaşayış minimumunun həcmini artırmaq olar".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...