Növbəti il büdcənin Azərbaycanı dünya böhranından qorumaq gücü...

Tarix: 16.10.2015 / 03:08
Bölmə: İqtisadiyyat

Vüqar Bayramov: "Büdcənin müsbət tərəflərinə diqqət etsək görərik ki, sosial xərclərin miqdarı qorunub saxlanacaq"

"Artıq hökumətin yeni postneft büdcə siyasəti formalaşmalıdır"

Milli Məclisin plenar iclasında gələnilki büdcə müzakirələri başa çatıb. Belə ki, 2016-cı ilin büdcə zərfinə daxil olan qanun layihələri müzakirə edilib. Maliyyə Nazirliyi 2016-cı ilin dövlət və icmal büdcələrinin layihələrini açıqlayıb.

2016-cı il dövlət və icmal büdcələrinin gəlirlərinin hesablamaları zamanı xam neftin satış qiymətinin 1 barreli üçün 50 ABŞ dolları götürülüb.

Layihədə göstərilib ki, gələn ilin dövlət büdcəsinin gəlirləri 14 milyard 566 milyon manat proqnozlaşdırılıb. Bunun 6 milyard manatı Dövlət Neft Fondundan transfertlər təşkil edəcək. Bu, 2015-ci illə müqayisədə 4 milyard 388 milyon manat, yaxud 42,2 faiz az deməkdir. 2016-cı ilin dövlət büdcəsinin xərcləri isə 16 milyard 264 milyon manat proqnozlaşdırılıb. Büdcə kəsirinə gəldikdə, bu, gələn ilin dövlət büdcəsi layihəsində 1698 mln. manat göstərilib.

Məlum olduğu kimi, büdcənin daralması neftin qiymətilə bağlıdır. Büdcənin əsas xərclərinə nəzər salanda məlum olur ki, təhsil və müdafiə xərcləri artıb.

Əsas azalan xərclər isə sənaye və tikinti, dövlət əsaslı vəsait qoyuluşları, rabitə-nəqliyyat, həmçinin əsas bölmələrə aid edilməyən digər xərclərdir. Düzdür, gələn il ölkənin ümumi büdcəsində neft gəlirləri azalacaq, əvəzində qeyri-neft sektoru artaraq 46,5 faiz olacaq. Bu da qlobal iqtisadi böhran şəraitində müsbət göstəricidir. Eyni zamanda, ölkədə qeyri-neft sektorunun inkişafı baxımından əhəmiyyətli rəqəmdir. Ümumilikdə, büdcənin bu formada qəbul olunması Azərbaycanı dünya böhranı təsirlərindən nə dərəcədə qoruya bilər?

İqtisadçı-ekspert Vüqar Bayramovun fikrincə, büdcənin bu formada qəbul olunması ölkəni qlobal böhranın təsirlərindən qoruya bilər: "Çünki bütün risqlər nəzərə alınıb. Nəzərə almaq lazımdır ki, ekspertlər gələn il üçün neftin dünya bazarında qiymətinin yüksəlməyəcəyini proqnozlaşdırır. Bu baxımdan ölkə büdcəsində neftin qiymətləri aşağı qiymətlərlə hesablanıb. Qeyd edək ki, 2016-cı ilin büdcəsində neftin qiyməti 50 dollardan götürüləcək. 2015-ci ildə ölkə büdcəsində neftin qiymətinin 90 dollardan götürüldüyünü nəzərə alsaq, onda məlum olur ki, gələn il neftin qiyməti 40 dollar endirimlə təsdiq edilir. 40 dollarlıq azalma dövlət büdcəsinə daxilolmalara və xərclərə öz təsirini göstərəcək. Bu baxımdan bəzi istiqamətlərdə xərclərin azalmasına baxmayaraq, bəzi sahələrdə xərclərə ayrılan vəsaitlər sabit qalacaq. Büdcənin müsbət tərəflərinə diqqət etsək görərik ki, sosial xərclərin miqdarı qorunub saxlanacaq. Belə ki, gələn il dövlət büdcəsində sosial sahələrə 1 faizlik artım nəzərdə tutulub.

Bununla yanaşı, infrastruktur xərclərində ciddi azalmalar nəzərdə tutulub. 2016-cı ilin ölkə büdcəsi sosial xərcləri ödəməyə başlayacaq. Artıq büdcənin sosiallaşması baş verəcək. Büdcənin indiki durumunda infrastruktur xərclərinin artırılması mümkün deyil. Hökumətin əsas hədəfi mövcud infrastrukturu saxlamaq və bu sahəyə investisiya cəlb etməkdir. Artıq hökumətin yeni postneft büdcə siyasəti formalaşmalıdır. Burada büdcədənkənar investisiyaların cəlb edilməsi hesabına tək infrastrukturlarda deyil, digər sahələrdə də inkişaf əldə etmək olar".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...