Elman Rüstəmovun "üzən məzənnə" bəyanatının ziyanlı nəticələri özünü göstərməyə başladı

Tarix: 16.10.2015 / 03:37
Bölmə: İqtisadiyyat

Qulu İsmayılov: "Belə ajiotajlarda zərər dövlətə və sadə əhaliyə dəyir"

"Bundan isə işbazlar qazanır"

Azərbaycanda "üzən məzənnə"yə keçidlə bağlı xəbər açıqlandıqdan sonra artıq dolların qiyməti bahalaşmağa başlayıb. Manatın dollar qarşısında yenidən ucuzlaşacağından ehtiyat edən vətəndaşlar isə dollar almağa başlayıb.

Bununla da Azərbaycanda dollara olan tələbat xeyli artıb.

Bunu valyuta mübadiləsi şöbələrinin satıcıları deyiblər. Mərkəzi Bank dolların rəsmi məzənnəsini 1.0473 AZN müəyyən etsə də, mübadilə məntəqələrində dollar 1.051 AZN-ə satılır.

"Gənclik" metrosu ətrafında valyutadəyişmə fəaliyyəti ilə məşğul olan şəxs dolların məzənnəsində ciddi artımın olmadığını, amma vətəndaşların bu xarici valyutaya marağının artdığını deyir. Onun sözlərinə görə, dolların yenidən bahalaşacağı ilə bağlı fikirlər dollar satışını artırıb. Onun sözlərinə görə, qarşıdakı günlərdə də müştərilərin sayının artacağı gözlənir.

Dollarla yanaşı, avronun məzənnəsində də artım var:

"İndi isə alış qiyməti yüksələrək 1.193 manat olub. Biz də məcburuq ki, 1.198 AZN-ə sataq. Ancaq buna baxmayaraq, satışda xeyli artım var. Son günlər avro alanların sayı xeyli artıb. Düşünürəm ki, insanlar çevik məzənnənin nə olduğunu daha yaxşı başa düşdükdən sonra satış bir az da sürətlənəcək".

Qeyd edək ki, bu ajiotaj Elman Rüstəmovun çıxışı zamanı çevik məzənnə barədə açıqlama verməsindən sonra yaranıb:

Mərkəzi Bankın keçmək istədiyi çevik məzənnə rejiminin mahiyyəti odur ki, tətbiq edildiyi zaman valyutanın məzənnəsi ona olan tələb və təklifin təsiri əsasında formalaşır, hər gün və tez-tez dəyişir. Müstəsna hallarda Mərkəzi Bank məzənnənin kəskin tərəddüdlərinin qarşısını almaq məqsədilə valyuta bazarına müdaxilə edərək məzənnə dəyişikliyini "hamarlaya" bilər.

Bir müddət əvvəl maliyyə naziri Samir Şərifov da çevik məzənnə siyasətinə keçidlə bağlı işarə müzakirələrin getdiyini bildirmişdi.

İqtisadçı Qulu İsmayılov qəzetimizə açıqlamasında bildirdi ki, əhalinin ajiotaja düşməsi üçün tam əsas var:

"Yadınızdadırsa, fevral ayında devalvasiya oldu. Manatı yığım kimi saxlayan əhali bir günün içində 34 faiz məbləğində pul itirdi. Təbiidir ki, bu, dövlət üçün zəruri addım idi. Ancaq gəlin diqqət edək, həmin ərəfədə Elman Rüstəmov hansı açıqlamanı vermişdi? Yadınızdadırsa, Elman Rüstəmov televizaya efirindən əhaliyə devalvasiyanın olmayacağına dair məlumat verdi. Üstündən 2 gün keçmədi ki, devalvasiya yaşandı. İndi isə Elman Rüstəmov "üzən məzənnə"yə keçidin zəruriliyindən danışır. Əhali dərk edir ki, tərsinə proses ola bilməz. Deməli, nəsə gözlənir və təbiidir ki, bu da ajiotaja səbəb olur. Artıq valyutadəyişmə məntəqələrində dollar qıtlığı yaşanır. Bu da qiymətin qalxmasına səbəb olur. Ümumi halda belə ajiotajlarda zərər dövlətə və sadə əhaliyə dəyir. Bundan isə işbazlar qazanır. Onlara belə qarışıqlıq sərf edir. Çünki sakit mühitdə heç nədən pul qazanmaq olmur. Biz fikirlərimizdə bildirmişik ki, birdən-birə "üzən məzənnə"yə keçmək ciddi fəsadlara yol aça bilər. Bu məqsədəuyğun deyilsə, heç rəsmilər tərəfindən belə anonsların verilməsi də düz deyil. Təcrübə göstərir ki, bazar iqtisadiyyatı yolunu tutmuş ölkələrdə milli valyutanın məzənnəsinin administrativ yolla müəyyən edilməsi seçiminin edilməsində iqtisadi amillərdən daha çox psixoloji amillər üstünlük təşkil edir. Bizdə də bunun belə olduğu şübhə doğurmur. Mərkəzi Bankın bu məsələyə həddindən artıq ehtiyatlı yanaşması nə qədər başadüşülən olsa da, burada bir neçə məqamım mövcudluğu məsələyə bundan sonra münasibətin dəyişməsinə gətirib çıxarmalıdır. Fikrimcə, "üzən məzənnə"yə keçmək ölkədəki bugünkü iqtisadi və maliyyə reallıqları şəraitində manatın məzənnəsinin zəifləməsinə yol aça bilər".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...