Maşınların qiymətində kəskin ucuzlaşma...

Tarix: 03.10.2015 / 03:41
Bölmə: İqtisadiyyat

Avtomobil bazarında son vəziyyət burada aktivliyin azalması fonunda qiymətlərin əhəmiyyətli dərəcədə aşağı düşdüyünü göstərir. Xüsusən də işlənmiş maşınların qiyməti getdikcə ucuzlaşır. Lakin maraqlıdır ki, işlənmiş avtomobil bazarında qiymətlər ucuzlaşsa da, maşın alanların sayında artım müşahidə edilmir. Əvvəllər ay ərzində 5-6 maşın sata bilən alverçilər, indi bəzən ayda bir maşın belə sata bilməmələrindən narazılıq edir.

Mütəxəssislər bu vəziyyətin hələ müəyyən müddət davam edəcəyini bildirir. Qeyd olunduğu kimi, aktivliyin azalması qyimətlərə də təsirsiz ötüşməyib.

Məsələn, 10 min manata olan avtomobillər 6-7 min manat arasında satılır. Bu ucuzlaşma həm Rusiya istehsalı olan, həm də xarici avtomobillərdə müşahidə olunur. Avtomobil satışı ilə məşğul olan İlham Kərimov məsələ ilə bağlı bildirib ki, bahalı maşınların alıcısı yoxdur: "Cip", "Toyota" kimi bahalı maşınlar ucuzlaşsa da, alan yoxdur. Balaca maşınların qiyməti 2-3 min manat düşübsə, böyüklərdə bu rəqəm 10-15 min manat arasında dəyişir. 2008-ci il istehsalı olan "Prado"nu 28-30 min manata almaq mümkün idisə, indi bu avtomobillərin qiyməti 21-22 min manatdır". Avtosalon administratoru Ramin Tahirov isə qeyd edib ki, hazırda bazarın 50%-i boşalıb: "Bir ay bundan əvvəl 65 min manata satılan avtomobilin qiyməti 60 min manata düşüb. Alıcı artıq başa düşür ki, növbəti mərhələdə 60 minlik maşının qiyməti 55 min manata belə düşə bilər. Yəni qısası, bahalı maşın alsa pulunu itirəcək. Əslində, alıcıları da başa düşmək olar. Onlar pullarını itirmək istəmirlər". "İmperial Car" şirkətinin rəsmisi İlham Tağıyev hazırda qiymətlərin Gürcüstanın maşın bazarından belə ucuz olduğunu, amma bazarın dayandığını bildirib: "Bazarda vəziyyət dayanma nöqtəsindədir. Avtomobillərin qiymətləri hər gün düşür. 40 min manata satdığımız maşını 20 minə, 20 minə satdığımız maşını isə 12 minə sata bilmirik. İndi Gürcüstandan maşın gətirən yoxdur, yerli bazarda qiymətlər ondan da ucuzdur".

Ekspertlər də təsdiq edir ki, avtomobil bazarında dinamika kəskin azalıb.

Alqı-satqı əməliyyatlarının sayının azalması da belə deməyə əsas verir. Bu özünü həm də idxalda göstərir. Məsələn, ötən ilin müvafiq dövrü ilə müqayisədə bu il Azərbaycana idxal edilən avtomobillərin sayında 50 faizə qədər azalma müşahidə olunur. Eyni zamanda avtomobillərin qiymətləri də, qeyd olunduğu kimi, kəskin ucuzlaşıb. Xüsusilə ikinci əl nəqliyyat vasitələri üzrə qiymətlər ötənilkinə nisbətən 25-30 faiz azalıb. Yeni avtomobillərin əksəriyyətində də 5-15 faizə qədər ucuzlaşma qeydə alınır.

Ekspertlər deyir ki, idxalın azalması daha çox təkrar bazar avtomobilləri üzrə müşahidə olunmaqdadır. Xatırladaq ki, təkrar bazarda Gürcüstandan Azərbaycana idxal olunan avtomobillərin payı böyük idi. Lakin indi Gürcüstandan Azərbaycana idxal olunan avtomobillərin göstəricilərində xeyli azalmalar var. İqtisadçılar hesab edir ki, avtomobil idxalının azalma səbəblərindən biri 2014-cü ildə "Avro" standartının tətbiq edilməsi ilə bağlıdır. Avtomobil idxalının azalmasına devalvasiyadan sonra bankların istehlak kreditlərinin verilişini kəskin azaltması da təsir edib. Bankların kreditləri dollar valyutası ilə verməyə başlaması isə insanları kredit götürməkdən çəkindirib. Bundan başqa, dolların manata nisbətən bahalaşması fonunda yerli bazarda qiymətlərin inzibati ucuzlaşdırılması xarici istehsal maşınlarının idxalına təsir edib. Rusiya maşınları istisna olmaqla, avtomobillər əsasən dollar və avro ilə alınır. Buna görə də əvvəlki qiymətə maşın idxal etmək sərfəli deyil. Rusiyadakı böhranla əlaqədar ölkəyə daxil olan vəsaitlərin azalması əhalinin alıcılıq qabiliyyətinə birbaşa təsir edir.

Potensial alıcılar isə hələ də gözləmə mövqeyindədir. Bütün bunların nəticəsində alıcıların bazara müraciətlərində, eyni zamanda alqı-satqı əməliyyatlarının sayında çox kəskin azalmalar var. hazırda bəzi avtomobillərdə endirimlər edilir ki, vəziyyətdən çıxış yolu tapılsın. Amma proseslər göstərir ki, ən azı ilin sonuna kimi maşın bazarında aktivliyin olmasını gözləmək əbəsdir.

Tahir TAĞIYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...