Azərbaycanda peşə fəaliyyəti müddəti ilə pensiya yaşı arasında ziddiyyət...

Tarix: 01.10.2015 / 03:15
Bölmə: İqtisadiyyat

Pərviz Heydərov: "İnsanların istehsalatda peşə fəaliyyəti müddəti ilə pensiyaya çıxma yaşları arasında həqiqətən də müəyyən uyğunluq olmalıdır"

"Diqqət yetirsək görərik ki, Avropa ölkələrində də bu mövzu aktualdır"

"İnsanların istehsalatda peşə fəaliyyəti müddəti ilə pensiyaya çıxma yaşları arasında müəyyən uyğunluq olmalıdır". Bunu jurnalistlərə açıqlamasında Dövlət Sosial Müdafiə Fondunun sədri Elman Mehdiyev deyib.

Fond sədri bununla bağlı açıqlamasında bir neçə diqqətçəkən məqama toxunub: "Məsələn, bu gün büdcə təşkilatlarında çalışma dövrü 65 yaşa qədərdir. Amma bizdə pensiya yaşı bundan kifayət qədər aşağıdır (kişilər 63, qadınlar 60 yaşında). Təbii ki, bu da müəyyən uyğunsuzluqları ifadə edir. Ötən müddətdə biz bu istiqamətdə demoqrafiq göstəricilərin üzərində tənzimləmələr aparmaqla uğurlu fəaliyyəti yekunlaşdırmışıq. Amma uzunmüddətli perspektivdə Dövlət Sosial Müdafiə Fondunun maliyyə dayanıqlılığının təmin olunması üçün qeyd etdiyim istiqamətdə islahatların aparılması zəruridir".

Görünən odur ki, sadalanan məsələlərlə bağlı bir sıra məqamlara aydınlıq gətirilməlidir. Yəni çalışma dövrü 65 yaşa qədərdirsə, pensiya da 65 yaşda müəyyən olunmalıdır. Pensiyaya çıxma 63 yaşdadırsa, o zaman çalışmaq da ona uyğun olmalıdır. Ümumilikdə, ekspertlər məsələyə necə yanaşır? Sözügedən məsələni dəyərləndirən iqtisadçı-ekspert Pərviz Heydərov hesab edir ki, pensiya yaşı məsələsi son illər, demək olar, bütün ölkələrdə ciddi müzakirə mövzusuna çevrilib: "Bu da təsadüfi deyil. Bir çox ölkələr maliyyə və iqtisadi böhranla üzləşdikdə vəziyyətdən çıxış yollarından biri kimi, istər-istəməz, vətəndaşlarının mövcud pensiya yaşlarını artırmaqda və yaxud dəqiq desək, bir neçə il uzağa çəkməkdə görürlər ki, bunda da məqsəd sosial xərcləri nisbətən azaltmağa nail olmaqdan ibarətdir. Diqqət yetirsək görərik ki, Avropa ölkələrində də bu mövzu aktualdır. Almaniyanın kansleri Angela Merkel bir ara Avropa İttifaqı ölkələrində pensiya yaşının yuxarı qaldırılmasını təklif etmişdi. Niyə? Ona görə ki, Aİ-də yaranmış böhranla əlaqədar əksər ölkələrdə sosial xərcləri azaltmaq tələb olunur. Kanslerin təklifinə əsasən, bütün Avropa ölkələrində qadın və kişilərin pensiyaya çıxmaq üzrə yaş həddi 67 olmalıdır. Azərbaycanda bu sahədə qoyulmuş limit əksər Avropa ölkələrindəkinə uyğundur. Belə ki, Avstriyada, Bolqarıstanda, Danimarkada, Estoniya, Finlandiya və Yunanıstanda təxminən bizdəki kimidir. Almaniyada və bəzi daha yüksək inkişaf etmiş ölkələrdə isə bizdəkindən hətta bir az yuxarıdır. Maraqlıdır ki, əksəriyyətində də mövcud limitlərin perspektivdə bir az da yuxarı qaldırılması söhbəti gedir. DSMF sədrinin uzunmüddətli perspektivdə Azərbaycanda pensiya yaşının artırılması ilə əlaqədar islahatların aparılmasının vacib olduğunu qeyd etməsini başa düşmək olar. O bunu 3 nöqteyi-nəzərdən əsaslandırıb. Birincisi, həqiqətən də bu gün büdcə təşkilatlarında çalışma dövrü 65 yaşa qədərdir. İkincisi, DSMF-nin maliyyə dayanıqlılığının təmin olunması olduqca vacib məsələdir. Üçüncüsü isə insanların istehsalatda peşə fəaliyyəti müddəti ilə pensiyaya çıxma yaşları arasında həqiqətən də müəyyən uyğunluq olmalıdır".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...