Azərbaycanın pambıq fermerlərinə dəstək və hələ də mövcud olan ehtiyat imkanlar...

Tarix: 30.09.2015 / 04:14
Bölmə: İqtisadiyyat

"Bununla bağlı büdcədən müəyyən maliyyə vəsaiti ayrılmalıdır ki, fermerlər zərərə məruz qalmasın"

Vahid Məhərrəmov: "Ölkədə pambıqçılığın inkişafı üçün xüsusi dövlət proqramı qəbul olunmalıdır"

Ötən il Azərbaycanda 46 min tona yaxın pambıq toplanıb. Azərbaycanda "ağ qızıl"ın inkişafı üçün münbit şərait olsa da, bu göstərici olduqca aşağıdır. Azərbaycanda pambıq xüsusilə Kür-Araz ovalığında yetişdirilir. Bu gün ölkədə yüksək məhsuldarlığa malik, quraqlıq, xəstəlik və ziyanvericilərə davamlı, tez yetişən sortların sayının kifayət qədər olmasına baxmayaraq, pambığa maraq heç də ürəkaçan deyil.

Fermerləri qane etməyən məsələ bu məhsulun satış qiymətinin aşağı olmasıdır. Qiymətə təsir edən amillər isə müxtəlifdir. Bunu əsasən emal sahələrinin azlığı ilə əlaqələndirirlər.

Onu da qeyd edək ki, bir müddətdir pambıq sahələrində yığım mövsümü başlasa da, fermerlər alıcı olmadığından, məhsulu yığmırdı. Artıq problem həllini tapıb. Belə ki, dövlət başçısının məsələyə müdaxiləsindən sonra pambıqçıların satış problemi öz həllini tapıb. Beləliklə, pambıq alışını həyata keçirəcək müəssisənin adı və qəbul məntəqələrinin ünvanları artıq məlumdur. MKT İstehsalat Məhdud Məsuliyyətli Cəmiyyəti fermerlərdən pambığı Saatlı, Biləsuvar, İmişli, Bərdə, Ağcabədi və Beyləqandakı filiallarında qəbul edəcək. Qiymətlərə gəlincə, növündən asılı olaraq, pambığın 1 tonu 330-380 manat arasında alınacaq. Bu barədə kənd təsərrüfatı naziri Heydər Əsədov açıqlama verib. Nazir bildirib ki, MKT-nin filiallarında artıq pambığın növləri üzrə alış qiyməti, ünvanlar qeyd olunur. Fermerlər öz xammallarını göstəriən bu ünvanlara təhvil verə bilər.

Bütövlükdə, Prezidentin sözügedən məsələ ilə bağlı çevik müdaxiləsi pambıq istehsalının artmasında nə kimi rol oynaya bilər?

Məsələyə münasibət bildirən kənd təsərrüfatı üzrə mütəxəssis Vahid Məhərrəmovun sözlərinə görə, təkcə sözügedən tədbirlər yetərli deyil. Onun fikrincə, digər kompleks tədbirlər də görülməlidir: "Məsələ ondadır ki, ölkədə pambıqçılığın inkişafı üçün xüsusi dövlət proqramı qəbul olunmalıdır. Orada bu sahə ilə bağlı bütün problemlər nəzərə alınmalıdır. Keyfiyyətli toxum təminatı materialından tutmuş, onların texnikaya, suvarma suyuna tələbatının ödənilməsi öz əksini tapmalıdır. Eyni zamanda, mineral gübrələrə olan tələbatın həlli həmin proqramda öz həllini tapmalıdır. Bir məqamı unutmaq olmaz ki, pambıq ərzaq məhsulu deyil. Bu məhsul emal olunmalılır. Təkcə emal müəssisələri ilə istehsalçılar arasında yaranan problemi həll etməklə məsələ bitmir. Biz tamam fərqli şərtlərlə işləyirik ki, kənd təsərrüfatı inkişaf etsin. Deməyim odur ki, bütün bunlar bazar iqtisadiyyatı tələblərinə uyğun olmalıdır. Hökumət bu sahədə çalışan fermerləri stimullaşdırmalıdır.

Bununla bağlı büdcədən müəyyən maliyyə vəsaiti ayrılmalıdır ki, fermerlər zərərə məruz qalmasın. Öz problemlərini həmin vəsait hesabına həll etsinlər. Onlar üçün bazar seçimi olmalıdır. Fermerlər hansı emal müəssisəsi onlara sərfəli şərtlər təklif edirsə, həmin müəssisə ilə işləməlidir. Belə olan halda, fermerlər məcburiyyət qarşısında qalıb məhsulu aşağı qiymətə satmazlar".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...