Azərbaycanda saxta Çin düyüləri məsələsi...

Tarix: 30.09.2015 / 03:49
Bölmə: İqtisadiyyat

Fazil Talıblı: "Çindən gətirilən düyülərə akkreditasiya olunmuş sertifikatlaşdırma orqanı tərəfindən sertifikat verilməyib"

Eyyub Hüseynov: "Ölkəyə saxta düyü gətirilir"

Saxta, süni, keyfiyyətsiz, vaxtı keçmiş məhsulların, geni dəyişdirilmiş meyvə-tərəvəzin, ərzaqların Azərbaycan bazarlarına daxil olması haqqında məlumatlar mətbuatda vaxtaşırı yer alır. Hazırda isə satışda süni düyü çeşidinin olması barədə xəbərlər dolaşır. Yayılan məlumatlara görə, Çin istehsalı olan düyü Azərbaycan bazarına da yol açıb.

Ucuz mal dalınca qaçan Çin istehsalçıları düyünü əziyyəti və xərci çox olan sahələrdə əkməyə ehtiyac görmürlər, onu sexlərdə fabrik üsulu ilə əldə edirlər, bu hətta insan sağlamlığına ziyan olsa belə. Çin istehsalı olan düyü tam sintetik deyil. Onun əsasını kartof kraxmalı təşkil edir, az miqdarda plastik isə ona düyü forması vermək üçün istifadə olunur. Bununla belə, yeni məhsulu istifadə edən aşpazlar bildirir ki, bu cür düyüdən hazırlanan bir boşqab sıyığı yemək polietilen paketi udmağa bərabərdir.

Adıçəkilən ölkənin istehsalı olan düyünün Azərbaycan bazarına yol açması istehlakçıları ciddi şəkildə narahat edir.

Saxta düyünün Azərbaycan bazarında satılıb-satılmadığını öyrənmək məqsədilə aidiyyəti qurumlara və ekspertlərə müraciət etdik.

Standartlaşdırma, Metrologiya və Patent üzrə Dövlət Komitəsinin mətbuat katibi Fazil Talıblı "Bakı-Xəbər"ə açıqlamasında qeyd etdi ki, komitə tərəfindən düyülərlə bağlı mütəmadi yoxlamalar aparılır: "Son günlər sosial şəbəkələrdə Çin istehsalı olan düyü haqqında məlumatlar yayılır. Biz həmin məlumatlarla tanış olandan sonra Komitə yanında Dövlət Nəzarəti Xidməti tərəfindən bu mövzuya bir daha qayıdıldı. Təxminən 15 adda düyü nümunəsi götürülərək laboratoriyaya verildi. Laboratoriyanın nəticələrinə əsasən deyə bilərəm ki, 8 düyü növü üzrə heç bir sünilik aşkar olunmadı. Hindistan, Pakistan, İran, Türkiyə, Rusiya və Azərbaycan istehsalı olan düyülərin tərkibində nə iddia olunan faktlar, nə də GMO aşkar olundu".

Həmsöhbətimiz Çin və digər ölkələrdən saxta düyülərin idxalı haqqında onu bildirdi ki, qanunvericiliyə əsasən, Azərbaycanda akkreditasiya olunmuş sertifikatlaşdırma orqanı var: "Komitə olaraq həmin sertifikatlaşdırma orqanına nəzarəti həyata keçiririk və verilən sertifikatların reyestrini aparırıq. Apardığımız araşdırma zamanı məlum olub ki, Çindən gətirilən düyülərə akkreditasiya olunmuş sertifikatlaşdırma orqanı tərəfindən sertifikat verilməyib. Həmin sənədlə adıçəkilən ölkədən gətirilən malların təhlükəsizliyi və keyfiyyəti təsdiq olunmayıb. Bu sahədə istehlakçılar ayıq-sayıq olmalıdır. Dükan sahibləri istənilən məhsulu alarkən öncə onun sertifikatını tələb etməlidir. Həmin məhsulun sertifikatı varsa, rahat şəkildə onu satışa çıxara bilər".

Azad İstehlakçılar Birliyinin sədri Eyyub Hüseynov da ölkəyə saxta düyü gətirildiyini dilə gətirdi: "Ölkədə sertifikatlar gətirilən malın partiyası üçün yox, ayla, illə, yəni müddətdən asılı olaraq verilir. Məsələn, birillik sertifikat alan şəxs bu müddətdə ən müxtəlif növ düyü gətirib ölkədə sata bilir. Ölkədə müstəqil ekspertiza yoxdur. Bu problemlərə görə ölkəyə keyfiyyətsiz, saxta, zərərli düyünün idxal olunması istisna olunmur. Çoxsaylı ölkədən bizə düyü gətirilir. Hindistandan, Tayvandan, İrandan, Pakistandan düyü gətirilir. Bilmək olmur ki, Banqladeşdən gətirilən düyü harada qablaşdırılır. Ayrı-ayrı ölkələrdə qablaşdırılan düyülərin əslində hara istehsalı olması və keyfiyyəti şübhəlidir. Bu məhsullar ekoloji çirklənmiş ölkələrdən də gətirilə bilər".

Günel CƏLİLOVA

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...