Qarşıdakı 4 ildə manatın məzənnəsinin saxlanmasında problem gözlənilmir

Tarix: 24.09.2015 / 05:10
Bölmə: İqtisadiyyat

Qarşıdakı 4 ildə manatın bivalyuta səbətinə daxil olan valyutalara nisbətdə orta illik məzənnəsinin dəyişməyəcəyi proqnozlaşdırılır. Belə ki, 2016, 2017, 2018 və 2019-cu illərdə Azərbaycan manatının ABŞ dollarına və avroya nisbətdə orta illik məzənnəsi açıqlanıb.

Azərbaycan Respublikasının 2016-cı il dövlət büdcəsi zərfində qeyd olunur ki, 2016-cı ildə və qarşıdakı 3 ildə ölkədə milli valyutanın məzənnəsinin bivalyuta səbətinə daxil olan valyutalara nisbətdə dəyişməz qalacağı gözlənir. Başqa sözlə, qarşıdakı 4 il ərzində 1 ABŞ dollarının 1,0500 manat, 1 avronun isə 1,1332 manat səviyyəsində olacağı gözlənir.

Devalvasiyadan sonrakı ilk aylarda manatın məzənnəsinin qorunub saxlanmasında bəzi çətinliklər özünü göstərdi. İnsanlarda milli valyutaya psixoloji inam bir qədər aşağı düşdü. Devalvasiyadan sonra vətəndaşlar və şirkətlər əllərində olan milli valyutanı dollara çevirməyə üstünlük verdilər. Eyni zamanda, vətəndaşların banklardan manatla əmanətlərini geri çəkməsi valyuta bazarında manat təklifini artırdı. Nəticədə mövcud vəziyyət Mərkəzi Bankın həmin dövrdə orta hesabla aylıq olaraq 1 milyard dollar vəsaiti valyuta bazarına intervensiya etməsinə səbəb oldu. Ancaq belə vəziyyət uzun sürmədi. May ayından başlayaraq manatın məzənnəsi ilə bağlı stabillik özünü göstərdi. Belə ki, may ayından başlayaraq Mərkəzi Bankın intervensiya xərclərinin azalması və valyuta ehtiyatlarının artımı müşahidə olundu ki, bu da birbaşa dollarlaşma prosesinin nisbətən səngiməsi ilə bağlı idi.

Görünən odur ki, qarşıdakı 4 ildə manatın məzənnəsinin sabit saxlanmasında elə bir ciddi problem olmayacaq. Hər halda, 2016-cı ilin büdcəsi hazırlanarkən belə bir proqnozun verilməsi ciddi əsaslara söykənir.

Maraqlıdır, iqtisadçılar məsələyə necə yanaşır?

Məsələyə münasibət bildirən ekspert Rəsul Cahangirli də məzənnə ilə bağlı açıqlamasında nikbin olduğunu bildirdi. O bunu bir sıra iqtisadi arqumentlərlə əsaslandırdı: "Məsələ ondadır ki, hökumət bu istiqamətdə davamlı və sistemli tədbirlər görür. Eyni zamanda, qeyri-neft sektorunun ixrac qabiliyyətinin artırılması nəzərdə tutulub. Bu sektorun ixrac qabiliyyətinin artırılması uzunmüddətli strateji bir hədəfdir. İxracın artması manatın dəyərini qoruyacaq. Praktik olaraq, Azərbaycan iqtisadiyyatında faiz etibarilə qeyri-neft sektorunun payında devalvasiyadan sonra artımlar müşahidə edilir. Ancaq nəzərə almaq lazımdır ki, xüsusən ixracatda qeyri-neft sektorunun dominantlığına nail olmaq və bu sektorun dəyər ifadəsinin payının artırılması qısa zaman kəsiyini əhatə etmir. İstənilən halda, Azərbaycanın potensial iqtisadi resursları imkan verir ki, qarşıdakı illərdə manatın dollar və avro qarşısında məzənnəsi sabit qalsın. İndiki dövr üçün hədəf manatın mövcud məzənnəsini qoruyub saxlamaqdan ibarətdir. Təbii ki, manatın vahid məzənnəsi inzibati şəkildə Mərkəzi Bank tərəfindən müəyyənləşdirilir. İndiki dövrdə bu amildən istifadə olunması vacibdir. Valyuta bazarının manatın məzənnəsinə praktik olaraq təsir imkanları yoxdur".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...