Türkiyə və Qafqazı hədələyən İŞİD: təhlükə, ya mif...

Tarix: 19.08.2015 / 02:59
Bölmə: İqtisadiyyat

Məlum olduğu kimi, azərbaycanlıların xaricə səfəri zamanı getdiyi ölkələr sırasında ilk yerlərdən birini qardaş Türkiyə tutur. Amma son proseslər xaricdən Türkiyəyə gələnlərin sayının xeyli dərəcədə azaldığını göstərir. Buna səbəb Türkiyədə PKK və İŞİD tərəfindən törədilən terror aktlarıdır. Belə aktlar səngiməyənə qədər isə Türkiyəyə gedənlərin sayında azalmaların olacağı istisna edilmir.

Ekspertlər bu durumda Türkiyəyə gedən soydaşlarımızın da sayında azalmanın ola biləcəyini istisna etmir.

Bir daha xatırladaq ki, Türkiyədə keçirilən parlament seçkisindən sonra ölkədə vəziyyət gərginləşib. Bir yandan terror hadisələri, o biri tərəfdən isə koalisiya qurulması istiqamətində edilən cəhdlərin nəticə verməməsi durumu əhəmiyyətli dərəcədə ağırlaşdırır. Hazırda əsas təhlükə yaradan tərəf qismində isə terror qruplaşmaları çıxış edir. Türkiyə tərəfi belə qruplaşmaların sıradan çıxarılmasında israrlı olduğunu bəyan edir.

Türkiyə Prezidenti Rəcəb Tayyib Ərdoğan bildirib: "Ölkə sərhədləri daxilində bir terrorçu belə qalmayanadək mübarizəmizi davam etdirəcəyik". Onun sözlərinə görə, ölkə sərhədləri daxilində və xaricində həyata keçirilən hərbi əməliyyatlar nəticəsində terror təşkilatlarının çox ciddi itkilər yaşadığı məlumdur: "Ancaq bununla belə, terror təşkilatları ölkəmiz üçün təhdid olmaqdan çıxanadək, dövlətimizə və millətimizə qarşı çevrilən silahlar buraxılıb basdırılanadək mübarizəmiz davam edəcək. Burada bir şeyi xüsusilə vurğulamaq istəyirəm ki, silahların susması deyil, onların basdırılması, üzərinə beton tökülməsi lazımdır. Eynilə ölkənin təhlükəsizliyi üçün təhdid təşkil edən İŞİD-ə qarşı da mühüm əməliyyatlar həyata keçirdik. Bizim üçün terror təşkilatları arasında heç bir fərq yoxdur. Adı, məqsədi, simvolu nə olursa-olsun, bizim üçün terror təşkilatı terror təşkilatıdır. Biz hamısı ilə mübarizə aparırıq və mübarizəmizi də davam etdirəcəyik".

Məhz belə bir vaxtda İŞİD terror qruplaşması növbəti dəfə Türkiyəni təhdid edib. Amma sonuncu təhdid əvvəlkilərdən daha sərt şəkildə səsləndirilib və konkret şəxslərin adları çəkilib. Terror qruplaşması internetdə yerləşdirdiyi sonuncu videomüraciətində Türkiyədəki insanları cihada və İstanbulu fəth etməyə çağırıb. Türkiyə Prezidenti Rəcəb Tayyib Ərdoğan üçün təhqiramiz ifadələrin yer aldığı videoda Mustafa Kamal Atatürk də tənqid olunur və Ankaranın ABŞ liderliyindəki koalisiyaya qatılması pislənir. Türkiyə xalqına səslənən İŞİD "əmiri" nitqinə bu şəkildə davam edir: "Ey Türkiyə xalqı, vaxt keçmədən bu ateistlərə, xaçpərəstlərə və sizi aldadıb xaçpərəstlərə kölə edən insanlara qarşı qiyam qaldırıb onlarla döyüşə başlamalısınız. Allah yolunda cihad edin və ölüləriniz Allah qatında şəhid olsun, ölüləriniz ateistlər və xaçpərəstlərlə birlikdə atəşdə yanmasın".

Videoda həmçinin İŞİD-in Türkiyədəki üzvlərinə "İstanbulu fəth edin" çağırışı edilib: "Gecə-gündüz xaçpərəstlərə təslim edilməsi üçün mübarizə aparılan İstanbulu fəth edək. Xilafətə yardım etməyə tələsin". Bütün bunlar İŞİD-in Türkiyə üçün yaratdığı təhdidin miqyasının genişləndiyini göstərir. Buna cavab olaraq Türkiyə Suriyada Şam cəbhəsini silahlandırmağa başlayıb. Qeyd edək ki, Şam cəbhəsi kimi tanınan qruplaşma Hələbin daxilində və şimalında İŞİD və Əsəd güclərinə qarşı mübarizə aparır.

Türkiyə üçün təhdid yaradan İŞİD-in Qafqazda da fəallığını artırması təhlükəli hal sayılır. Bu fonda ona diqqət çəkilir ki, Rusiya təhlükəsizlik gücləri Dağıstan Muxtar Respublikasında İŞİD terror təşkilatına biət edən "Qafqaz Əmirliyi" təşkilatına qarşı xüsusi əməliyyat həyata keçirib. Həmin əməliyyatın gedişatında "Qafqaz Əmirliyi" təşkilatının lideri, Abu Usman Gimrinski kimi tanınan Maqomed Süleymanov, "Dağıstan əmiri" Kamil Saidov və Dağıstan dağ təşkilatının lideri Abdullah Abdullayev də öldürülüb.

Ekspertlər hesab edir ki, Süleymanovun ölümü ilə təşkilata daha radikal şəxs gələcək və onun İŞİD-ə bağlı olması tam gözləniləndir. Qafqazın Problemləri Mərkəzinin böyük elmi işçisi Əhməd Yarlıkapov hesab edir ki, təşkilatın növbəti lideri daha güclü vuruşan şəxs olacaq. Onun sözlərinə görə, təşkilata hazırkı mərhələdə dini mövzularda daha çox düşünən lider deyil, məhz daha güclü vuruşan lider lazımdır. Onun sözlərinə görə, əsas problem İŞİD-in regionda güclənmə ehtimalının yüksəlməsidir. Yarlıkapovun sözlərinə görə, "Qafqaz Əmirliyi" "Əl-Qaidə" ilə əlaqə saxlayırdı və bu terror təşkilatı tərəfindən maliyyələşdirilirdi. O, "Qafqaz Əmirliyi"nin hazırda "Əl-Qaidə"nin ciddi rəqibi olan İŞİD-in ciddi təzyiqi altında olduğunu söyləyib.

Tahir TAĞIYEV

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...