Avtosalonlarda satış zəifləyib, qiymətlər düşmür ki, düşmür...

Tarix: 19.08.2015 / 02:56
Bölmə: İqtisadiyyat

Nüsrət İbrahimov: "Avtomobil idxalı azalsa da, idxal, nəql xərcləri azalmayıb"

"Ancaq bundan fərqli olaraq, təkrar bazarda təklif olunan avtomobillərin qiymətində əhəmiyyətli dərəcədə ucuzlaşma var"

Ölkənin maşın bazarında ağır bir vəziyyət yaşanır. Ölkəyə idxal olunan avtomobillərin sayında azalma müşahidə olunur. Azərbaycana Gürcüstandan da gətirilən avtomobillərin sayında kəskin azalma müşahidə olunur. Bu tendensiya hələ ötən ildən başlayıb.

Belə ki, Gürcüstan Statistika İdarəsinin məlumatına görə, 2014-cü ildə ölkədən 492 milyon dollar həcmində avtomobil ixrac olunub. Bu da 2013-cü illə müqayisədə 23 faiz və ya 146 milyon dollar azdır. Bütövlükdə Azərbaycanda avtomobilə sahiblənmək istəyənlərin sayı kəskin dərəcədə azalıb. Dövlət Gömrük Komitəsinin statistik hesabatına istinadən yayılan məlumata görə, 2015-ci ilin yanvar - iyul aylarında Azərbaycana 19476 avtonəqliyyat vasitəsi idxal olunub. Ötən ilin eyni dövründə bu göstərici 38338 olub. 7 ay ərzində idxal edilən maşınların 17345 ədədi avtomobil və motorlu nəqliyyat vasitələrinin payına düşüb.

2014-cü ilin eyni dövründə bu göstərici 34 618 ədəd təşkil edib. Bundan başqa, hesabat dövründə ölkəyə 1275 yük avtomobili idxal edilib. Bu rəqəm 2014-cü ilin eyni dövründə 3263 ədəd olub.

Müşahidə olunan tendensiya həm də ondan ibarətdir ki, avtomobil satışı ilə məşğul olan şirkətlər avtosalonların sayını azaldır. Çünki satışın azalması paralel olaraq gəlirləri də azaldıb ki, bu da xərclərə təsirsiz ötüşmür. Ən qəribəsi odur ki, təzə avtomobil alanların sayı kəskin şəkildə azalsa da, bu, qiymətlərin ucuzlaşmasına təsir etməyib. Adətən avtomobil idxalı azalırsa, bu, qiymətlərdə də özünü göstərməlidir. Ən yaxşı halda, bəzi avtosalonlar ötənilki avtomobilləri müəyyən qədər endirimlə satır.

Maraqlıdır, qiymətlərin ucuzlaşmamasının səbəbi nə ilə bağlıdır?

Məsələyə münasibət bildirən əmlak məsələləri üzrə ekspert Nüsrət İbrahimov bunu müəyyən amillərlə əlaqələndirdi: "Təkrar bazardan fərqli olaraq, ilkin bazarda avtomobillərin idxal, nəql qiymətləri var. Digər xərclər də var ki, bunları nəzərə almaq lazımdır. Yəni avtomobil idxalı azalsa da, idxal, nəql xərcləri azalmayıb. Belə olan halda, alınan avtomobili dəyərindən aşağı satmaq mümkün deyil. Ona görə də ilkin bazarda avtomobillərin qiyməti aşağı düşmür. Ötənilki avtomobillərə müəyyən endirimlərin edilməsi başadüşüləndir. Çünki istər-istəməz, yeni gələn avtomobillərlə müqayisədə onların dəyəri nisbətən aşağı düşür. Avtomobillərə tələbat azalırsa, təbii ki, bu zaman bazar iştirakçılarının sayı da azalır.

Bu da, öz növbəsində, şirkətləri məcbur edir ki, müəyyən ixtisarlara getsinlər. Ancaq bundan fərqli olaraq, təkrar bazarda təklif olunan avtomobillərin qiymətində əhəmiyyətli dərəcədə ucuzlaşma var. Sadəcə, alıcı sayı məhduddur. Bunun da müxtəlif səbəbləri var. Avtomobil kreditlərinin şərtləri çətinləşdirilib. Şərtlər əvvəlki kimi deyil. Digər iqtisadi səbəblər də var ki, bu da avtomobil idxalına öz təsirini göstərir".

Vidadi ORDAHALLI

DİGƏR XƏBƏRLƏR

Tarix: 08.06.2026 / 16:07

ADY 2026-cı ilin may ayında 1.6 milyon tondan çox yük daşıyıb

Tarix: 08.06.2026 / 15:33

Ermənistan Bakı-Tbilisi-Qars dəmiryoluna necə qoşula bilər?...

Tarix: 06.06.2026 / 10:56

Azərbaycan nefti 99 dollara düşdü...

Tarix: 05.06.2026 / 14:33

“Bakıdan Türkiyəyə dəmiryolu ilə gediş-gəliş başladı” xəbərləri yanlışdır...

Tarix: 04.06.2026 / 18:42

Avropa Bankı Azərbaycanın iqtisadi inkişaf proqnozunu aşağı saldı...

Tarix: 04.06.2026 / 17:27

Azərbaycan Ermənistana 2475 ton dizel göndərdi...

Tarix: 04.06.2026 / 15:40

Rusiya Azərbaycandan keçməklə Ermənistana buğda, arpa və gübrə göndərdi

Tarix: 04.06.2026 / 13:44

TDT çərçivəsində maliyyə-bank sahəsində əməkdaşlıq müzakirə olunub - FOTO

Tarix: 04.06.2026 / 09:56

Rusiya Azərbaycandan keçməklə Ermənistana gübrə və buğda göndərəcək

Tarix: 03.06.2026 / 19:32

Avropanın ən böyük qaz saxlama anbarları Azərbaycana təklif olundu...

Tarix: 03.06.2026 / 16:58

Qara kampaniyalar üzündən doğma adını dəyişən neft şirkətləri... Əliyev nə dedi?..

Tarix: 03.06.2026 / 14:43

Azərbaycanın 94-dən başlamış "enerji yüksəlişinin" 32 illik sonucları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 04.06.2026 / 21:37

Ermənilərin Başkəndi Azərbaycanın hansı kəndi ilə dəyişdirilə bilər? - Paşinyan niyyətini açdı...

Tarix: 04.06.2026 / 14:29

Vətən müharibəsi və Milli Qəhrəmanların təqaüdlərini bərabərləşdirmək olar...(?)

Tarix: 04.06.2026 / 12:16

Yuxarı məmurların övladları əsasən dövlət məktəblərində oxumurlar... Təhsil məmurları isə...

Məcburi köçkün gənclərin inkişafına son 20 ildə dövlət dəstəyi...