Bankların orta kredit faizlərində "endirim əməliyyatı"... başqa endirim kampaniyalarına oxşamasın...

Tarix: 18.08.2015 / 02:36
Bölmə: İqtisadiyyat

Rəsul Cahangirli: "Faizlərin düşməsinə təsir göstərən bir amil də problemli kreditlərdir"

"Bu da, öz növbəsində, kreditlər üzrə orta faiz dərəcəsinin aşağı düşməsinə gətirib çıxardı"

Azərbaycan bankları tərəfindən il ərzində milli və xarici valyutada verilən kreditlər üzrə orta faiz dərəcələri aşağı salınıb. Bu barədə Azərbaycan Mərkəzi Bankının bu ilin I yarısının yekunlarına həsr edilmiş hesabatında deyilir.

2015-ci ilin iyun ayında milli valyutada bank kreditləşməsi üzrə orta faiz dərəcəsi 13,98 faiz təşkil edib. Ötən ilin analoji dövründə bu göstərici 14,05 faiz olub. 2014-cü ilin iyun ayında kreditlər üzrə orta faiz dərəcəsi 14,13 faiz, 2015-ci ilin əvvəlində isə 14,07 faiz olub.

İyunda sərbəst konversiya edilən valyutada bank kreditləşməsi üzrə orta faiz dərəcəsi 12,47 faiz, ötən ay bu göstərici 12,64 faiz təşkil edib. Ötən ilin iyun ayında orta faiz dərəcəsi 14,84 faiz, 2015-ci ilin əvvəlində isə 14,07 faiz olub. Hüquqi şəxslərin milli valyutada bank kreditləşməsi üzrə orta faiz dərəcəsi 9,89 faiz, bu göstərici bu ilin may ayında 9,76 faiz, 2014-cü ilin iyun ayında 10,89, 2015-ci ilin əvvəlində isə 9,99 faiz təşkil edib. İyunda korporativ şəxslərin sərbəst konversiya edilən valyutada bank kreditləşməsi üzrə orta faiz dərəcəsi 8,8 faiz, bu göstərici bu ilin may ayında 8,81 faiz, 2014-cü ilin iyun ayında 10,53, 2015-ci ilin əvvəlində isə 9,18 faiz olub.

İyunda fiziki şəxslərin milli valyutada bank kreditləşməsi üzrə orta faiz dərəcəsi 18,22 faiz, bu göstərici bu ilin may ayında 18,46 faiz, 2014-cü ilin iyun ayında 18,04, 2015-ci ilin əvvəlində isə 18,53 faiz təşkil edib.

İyunda fərdi şəxslərin sərbəst konversiya edilən valyutada bank kreditləşməsi üzrə orta faiz dərəcəsi 20,58 faiz, bu göstərici bu ilin may ayında 20,96 faiz, 2014-cü ilin iyun ayında 21,43, 2015-ci ilin əvvəlində isə 21,52 faiz olub.

Bütün bu deyilənlərin fonunda kreditlər üzrə orta faiz dərəcələrinin aşağı düşməsinin kökündə hansı amil dayanır?

Sözügedən məsələni dəyərləndirən ekspert Rəsul Cahangirlinin fikrincə, kreditlər üzrə orta faiz dərəcəsinin düşməsi gözlənilən idi: "Çünki bunu bir sıra faktorlar şərtləndirir. Məsələ ondadır ki, fevralda baş verən devalvasiyadan sonra sahibkarlar, adi vətəndaşlar dollarla verilən krediti götürməkdən imtina etdilər. Götürənlərin sayı da çox məhdud oldu. Nəticədə kredit verə bilməyən bankların qazancı xeyli azaldı. Əmanət faizlərini müxtəlif mənbələr hesabına qaytarmalı oldular. Bu da, öz növbəsində, kreditlər üzrə orta faiz dərəcəsinin aşağı düşməsinə gətirib çıxardı. Digər tərəfdən, bir sıra banklar Mərkəzi Bankın qoyduğu normativi pozaraq dollar satışını artırdılar. Manatın devalvasiyası baş verdikdə isə banklar bu prosesdən çox böyük zərərlə çıxdılar. Bankların, demək olar ki, hamısında devalvasiyadan sonra zərər yaranıb. Bəzisində həll oluna biləndir, bəzisində isə kənardan köməyə ehtiyac var. Məsələn, Mərkəzi Bankın dəstəyinə ehtiyac var. Faizlərin düşməsinə təsir göstərən bir amil də problemli kreditlərdir. Ən nəhayət, nə sahibkarlar, nə də vətəndaşlar dollarla kredit götürmək istəmir. Banklar isə krediti manatla vermək istəmir. Banklar əmanətləri dollarla qəbul edir".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...