Xəzərin üstündə Qazaxıstandan Azərbaycana fantastik körpü...

Tarix: 18.08.2015 / 02:40
Bölmə: İqtisadiyyat

Vüqar Bayramov: "Nəzərə alsaq ki, su nəqliyyatı daha ucuzdur, o baxımdan körpü tikməkdənsə, limanların tikilməsi daha məqsədəuyğundur"

"Gətirilən yüklər rahat şəkildə və tez bərələr vasitəsilə sahildəki limana yönəldilməlidir"

Çin Xəzər dənizinin üzəri ilə Qazaxıstandan Azərbaycana körpü tikintisinin detallarını işləyib hazırlayır. Nəhəng qurğunun inşası artıq tez bir zamanda başlaya bilər.

Bu barədə Qazaxıstanın "Almatı" telekanalının efirində yayımlanan "Delovoe vremya" proqramında məlumat verilib. Layihənin təfərrüatları, hələ ki, səsləndirilməyib.

Qeyd olunur ki, hazırda Çindən Avropa İttifaqına quru dəhlizi ilə dəniz yoluna nisbətdə 100 dəfə az yük daşınır. Hətta Çindən Rusiyaya yüklərin böyük əksəriyyəti Finlandiyadan keçməklə dəniz vasitəsilə daşınır.

Beynəlxalq Transxəzər nəqliyyat dəhlizi layihəsi hələ tam işə düşməsə də, Çin qarşısına daha böyük məqsədlər qoyub. Hazırda Qazaxıstan və Çin arasında ticarət dövriyyəsi 17 mlrd. dollar təşkil edir. Layihə gerçəkləşərsə, bu rəqəm dəfələrlə arta bilər. Çünki Avropaya yüklərin bir hissəsi də Qazaxıstandan keçməklə nəql edilə bilər.

Çinin Almatadakı baş konsulu Çan Vey dünya iqtisadiyyatının böhrandan tam çıxmadığı bir zamanda ölkəsi ilə Qazaxıstan arasında ticarət dövriyyəsinin 17 milyard dollara çatmasını böyük uğur sayıb. Çin diplomatının sözlərinə görə, ölkəsi Qazaxıstandan Çinin Urumçi və Lançou istiqamətlərində gedən dəmir yolu xəttinə çox diqqət yetirir.

Çini bu layihəni həyata keçirməyə Bakı-Tiflis-Qars dəmir yolunun tezliklə açılacağı həvəsləndirir. BTQ işə düşdükdən sonra Çində Avropaya gedən yüklərin nəql müddəti 2 dəfə azalacaq. Hazırda yüklər Çindən Londona təxminən 1 ay müddətinə gedir.

Şübhəsiz ki, sözügedən layihə həyata keçirilsə, bunun istər region ölkələri, istərsə də dünya iqtisadiyyatı üçün mühüm faydası olacaq. Xüsusən də bu, ticarət dövriyyəsinin həcminin artması ilə yanaşı, Azərbaycanın tranzit ölkə olaraq əhəmiyyətini və gəlirlərini artıracaq.

Maraqlıdır, belə bir layihənin həyata keçirilməsi nə dərəcədə realdır?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert Vüqar Bayramovun sözlərinə görə, belə bir layihə olduqca baha olduğu üçün bir qədər real görünmür: "Burada kifayət qədər bahalı layihədən söhbət gedir. Belə bir layihənin həyata keçirilməsi birmənalı şəkildə böyük vəsait tələb edir. Körpünün çəkilməsinin və maliyyə xərcinin hesablanmasına ehtiyac var. Nəzərə alsaq ki, su nəqliyyatı daha ucuzdur, o baxımdan, körpü tikməkdənsə, limanların tikilməsi daha məqsədəuyğundur.

Limanların tikilməsi ilə körpünün çəkilməsini müqayisə etdikdə görürük ki, ikinci daha çox vəsait tələb edir. Çinin və digər Asiya ölkələrinin Azərbaycanın təşəbbüsü ilə reallaşan BTQ dəmir yoluna marağının olması bütün hallarda müsbət haldır. Çinin müxtəlif vasitələrlə bu layihəyə qoşulması birmənalı şəkildə BTQ-nin dəyərini və rentabelliyini artıracaq. Yəni mütləq deyil ki, dəniz üzərindən körpü çəkilsin. Bu olmasa da olar. Əsas odur ki, sahildə yerləşən limanlar müasirləşdirilsin. Gətirilən yüklər rahat şəkildə və tez bərələr vasitəsilə sahildəki limana yönəldilməlidir".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...