İran və Əfqanıstanda azərbaycanlı investorlar...

Tarix: 14.04.2015 / 03:14
Bölmə: İqtisadiyyat

Aydın Hüseynov: "Bu minvalla Azərbaycanın iş adamları daha çox gəlir əldə edəcək"

"Bütün bunlar, iqtisadi əməkdaşlıqla yanaşı, mədəni əlaqələrə də ciddi təkan verir"

Azərbaycanda müşahidə olunan dinamik iqtisadi inkişaf digər ölkələri də cəlb edir. Artıq Azərbaycan bəzi ölkələrin də iqtisadiyyatına sərmayə qoyur. Buna misal kimi Türkiyəni, Gürcüstanı göstərmək olar. Bu günlərdə isə iki digər ölkə Azərbaycana onlara sərmayə qoyuluşu təklif edib.
Əfqanıstan özünün infrastruktur, neft-qaz hasilatı, eləcə də təbii qazdan elektrik enerjisi istehsalında Azərbaycan sərmayəsini görmək istəyir. Bunu mətbuata açıqlamasında Əfqanıstanın dağ-mədən və neft sənayesi naziri Daud Şah Səba Bakıdakı danışıqları şərh edərkən bildirib. Azərbaycanın qeyd olunan sahələrdə böyük təcrübəyə malik olduğunu deyən əfqanıstanlı nazir ölkəsinin neft, qaz və digər təbii sərvətlərinə maraq göstərən azərbaycanlı investorları Əfqanıstana dəvət etdiyini vurğulayıb: "Biz regionda resurslarla ən zəngin ölkəyik. Təbii sərvətlərin öyrənilməsi baxımından Əfqanıstanın böyük potensialı var".
Sərmayə qoyuluşu ilə bağlı növbəti dəvət İrandan gəlib. Azərbaycanlı iş adamlarını Ramsər şəhərində turizm sektoruna, kənd təsərrüfatına, gülçülük və dekorativ bəzək bitkilərinin əkilməsi və ixrac edilməsi sahəsinə sərmayə yatırmağa dəvət edirik. Bu sözləri İranda səfərdə olan Azərbaycan jurnalistlərinə Mazandaran əyalətinin Ramsər şəhər meri Hüseyn Süruri deyib: "Biz Ramsər şəhərinə sərmayə yatıran iş adamlarına hər cür şərait yaratmağa hazırıq. Onlara torpaq sahəsinin ayrılması və sərmayə qoyuluşunun sığortalanmasını təmin edə bilərik. Ölkədə xarici investisiyaların sığortalanması haqqında qanun var və bu qanun xarici investorlara zəmanət verir".
H.Süruri azərbaycanlı investorlar üçün Ramsərdə gəmiçilik və dəniz limanına sərmayə yatırılmasına şəraitin yaradılmasına hazır olduğunu vurğulayıb.
Maraqlıdır, bu tendensiya Azərbaycan üçün hansı yeni istiqamət aça bilər?
Məsələyə münasibət bildirən iqtisadçı-ekspert Aydın Hüseynov bunu müsbət dəyərləndirdi: "Azərbaycan indiyədək bir çox Avropa və yaxın qonşu ölkələrə investisiya yatırıb. Proses bu gün də davam edir. Eyni zamanda, Avropa ölkələri də Azərbaycana böyük həcmdə sərmayə qoyublar. Sözügedən ölkələrlə Azərbaycanın qarşılıqlı iqtisadi əməkdaşlığı var. Bütün bunların fonunda İran və Əfqanıstanın Azərbaycandan investisiya istəməsi yaxşı göstəricidir. İnvestisiya məsələsində birinci növbədə o ölkələrə üz tuturuq ki, həmin ölkələrin iqtisadi potensialı böyükdür. Bu yaxşı mənada Azərbaycanın bir donor ölkəyə çevrilməsi deməkdir. Digər tərəfdən, bu minvalla Azərbaycanın iş adamları daha çox gəlir əldə edəcək. Bu da, öz növbəsində, şərait yaradır ki, iqtisadiyyat çoxşaxəli olsun və neftdən asılılıq azalsın. Yaranan vəziyyət onu göstərir ki, Azərbaycanın iqtisadi potensialı yüksəkdir. Başqa bir tərəfdən, bu onu göstərir ki, ölkəmiz çox etibarlı tərəfdaşdır. Azərbaycanın imici, etibarlı iqtisadi tərəfdaşlığı onu göstərir ki, ölkəyə maraq artır. Ölkənin iqtisadi potensialı imkan verir ki, digər dövlətlərə də investisiya qoysun. Bütün bunlar, iqtisadi əməkdaşlıqla yanaşı, mədəni əlaqələrə də ciddi təkan verir. Gələcəkdə bu, Azərbaycanın turizm sektorunun inkişafına da öz müsbət təsirini göstərəcək".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...