Rusiyada dolların azacıq bahalaşması miqrant soydaşlarımızın üzünü güldürür

Tarix: 14.04.2015 / 02:14
Bölmə: İqtisadiyyat

Ruslan Atakişiyev: "Hesab edirəm ki, rublun dəyər qazanması Azərbaycanın maraqlarına uyğundur"

"Bu həmin ailələrin alıcılıq qabiliyyətinin artması deməkdir"

Son vaxtlar dollar və avronun Rusiya rubluna nisbətən ucuzlaşması prosesi davam edir. Moskva birjasında 1 dollar 53 rubl 5 qəpikdən 52 rubl 78 qəpiyədək enib. Neftin qiymətinin düşməsi fonunda Rusiya rublunun mövqeyinin möhkəmlənməsi bazarda möhtəkirlik hallarının çoxalması ilə izah edilir.
Bundan başqa, rublun mövqeyinin möhkəmlənməsini vergi yığımları ilə əlaqələndirənlər də var.
Rusiyanın pulunun ağırlığının artması və Moskvanın maliyyə siyasətinin Qərb analitiklərinin bütün fəlakət proqnozlarına rəğmən, hələ də "bərbad" təsir bağışlamaması bir çoxlarını təəccübləndirir. Bunu "Bloomberg" agentliyinin yaydığı məlumatda açıq-aşkar görmək olar: "Maliyyə bazarlarında ən çətin işlərdən biri rublla bağlı proqnoz verməkdir. Bu ilin ilk üç ayında rublun yenidən öz gücünü qazanması ilə ən dəqiq proqnoz verən analitiklərin belə təxminləri yanlış çıxdı. Ukraynada atəşkəsin daha çox həlledici rol oynaması ilə neft qiymətlərinin altı illik ən aşağı səviyyəyə düşməsi, faiz dərəcələrinin azalması və rublun zəifləyəcəyi ilə bağlı əvvəlki göstəricilər əhəmiyyətsiz oldu".
Qərbin Rusiyaya qarşı tətbiq etdiyi sanksiyalar, Moskvanın bu təzyiqlərin fəsadlarını azaltmaq üçün yeni bazarlara yönəlməsi və xüsusilə də postsovet məkanında investisiya fəaliyyətini aktivləşdirməsi rublla bağlı hadisələri daha diqqətlə izləməyimizi şərtləndirir. Rusiya bazarı Azərbaycan iqtisadiyyatı üçün olduqca sərfəlidir. Rusiya Azərbaycan üçün açıq qapı, böyük bazardır.
Bütün hallarda, rublun dollar qarşısında bahalaşması iki ölkə arasında ticarət əlaqələri, bu ölkədə çalışan azərbaycanlı miqrantlar üçün nə vəd edir? Ekspertlər bunu necə dəyərləndirir?
Məsələyə münasibət bildirən İqtisadi Resursların Öyrənilməsi Mərkəzinin sədri Ruslan Atakişiyevin sözlərinə görə, bunun Azərbaycan üçün müəyyən müsbət faydası var: "Son vaxtlar həqiqətən də bir çox deyilənlərin əksinə olaraq, rus rublu dollar qarşısında mövqeyini möhkəmləndirir. Məsələ ondadır ki, yüzminlərlə soydaşımız əmək miqrantı olaraq Rusiyada çalışır. Onlar qazandıqları vəsaitin bir hissəsini Azərbaycana göndərir. Bu zaman həmin vəsaiti konvertasiya edəndə, əvvələ baxanda daha çox pul deməkdir. Bu da həmin ailələrin alıcılıq qabiliyyətinin artması deməkdir. Bunun digər faydası ondan ibarətdir ki, Azərbaycanda istehsal olunan kənd təsərrüfatı məhsullarının daha sərfəli şərtlərlə ixrac olunması üçün şərait yaradır.
Çünki rublun dəyərdən düşməsi səbəbindən bu məhsulların Rusiyaya aparılması o qədər də sərfəli deyildi.
Bundan sonra həmin məhsulları Rusiya bazarında reallaşdırmağa stimul yarana bilər. Ona görə də hesab edirəm ki, rublun dəyər qazanması Azərbaycanın maraqlarına uyğundur".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...