Minlərlə dollar kreditçisi Konstitusiya Məhkəməsindən ədalətli hökm gözləyir

Tarix: 14.04.2015 / 04:29
Bölmə: İqtisadiyyat

Rəsul Cahangirli: "Arzuolunandır ki, Konstitusiya Məhkəməsi bankların yox, vətəndaşların xeyrinə qərar çıxarsın"

"Bankların xeyrinə qərar çıxarılsa, bu, müştəriləri pis vəziyyətdə qoyacaq"

Gələn ay Konstitusiya Məhkəməsi Azərbaycanda dollarla götürülmüş kreditlərin hansı məzənnə ilə qaytarılmasına aydınlıq gətirəcək. Bu barədə Konstitusiya Məhkəməsinin Mətbuat xidmətinin məlumatında deyilir.
Məlumata görə, ötən həftə qurumun palatasının növbəti iclası olub. İclasda ölkə Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" Qanunun 7.1-ci maddəsinə əsasən, Mülki Məcəllənin 439.1, 439.2 və 439.7-ci maddələrinin şərh edilməsinə dair insan hüquqları üzrə müvəkkilin (ombudsmanın) sorğusuna və Göyçay Rayon Məhkəməsinin müraciətinə baxılıb. Müraciətlərin icraata qəbul olunması haqqında qərardadlar çıxarılıb.
Sorğu və müraciətlərə mahiyyəti üzrə, tərəflərin iştirakı ilə Konstitusiya Məhkəməsi Plenumunun 2015-ci il mayın 7-nə təyin edilmiş iclasında baxılacaq.
Qeyd edək ki, Mülki Məcəllənin sözügedən maddələri xarici valyutada olan öhdəliklərin yerinə yetirilməsi qaydalarını özündə əks etdirir. Məsələn, 439.7-ci bənddə bildirilir ki, əgər ödəniş müddəti çatanadək pul vahidinin dəyəri (məzənnə) artmış və ya azalmışsa və ya valyuta dəyişmişsə, borclu ödənişi, əgər bu Məcəllədə və ya müqavilədə ayrı qayda nəzərdə tutulmayıbsa, öhdəliyin əmələ gəldiyi vaxta uyğun məzənnə üzrə yerinə yetirməlidir.
Yəni, başqa sözlə, dollarla götürülmüş kreditlər, bankla bağlanmış müqavilədə xüsusi bənd yoxdursa, köhnə məzənnə ilə ödənilməlidir.
Hər halda görünən odur ki, əhali böyük səbrsizliklə Konstitusiya Məhkəməsinin dollarla götürülmüş kreditlərlə bağlı qərarını gözləyir. Ümid edirlər ki, bu, vətəndaşların xeyrinə olacaq. Məsələ ondadır ki, bu gün problemli kreditlərin həcmi 1,2 milyard dollardır. Ötən illə müqayisədə problemli kreditlərin həcmi bir az da artıb.
Məsələyə münasibət bildirən ekspert Rəsul Cahangirlinin sözlərinə görə, Konstitusiya Məhkəməsi bankların xeyrinə qərar çıxarsa, bu, müştəriləri çətin vəziyyətdə qoyacaq: "Banklar ödənişi təzə məzənnə ilə tələb edir. Bundan fərqli olaraq müştərilər isə köhnə məzənnə ilə ödənişi etmək fikrindədir. Müştərilərin bu fikirlə çıxış etməsinin ciddi əsasları var. Reallıq ondan ibarətdir ki, qanunvericilik bu məsələdə birmənalı mövqe ortaya qoya bilmir. O üzdən, məsələnin Konstitusiya Məhkəməsi müstəvisində həll olunması gündəmə gəlib. Fikrimcə, bankların xeyrinə qərar çıxarılsa, bu, müştəriləri pis vəziyyətdə qoyacaq.
Zatən Azərbaycanda kredit faizləri yüksəkdir. Bütün bunlarla yanaşı, bankların xeyrinə qərar çıxarılsa, bu, dollarla kredit götürərək banka borclu olanların vəziyyətini bir az da pisləşdirəcək. Bir şeyi də nəzərə almaq lazımdır ki, banklara borclu olmaları üzündən bir çox vətəndaşların girov olaraq qoyduğu əmlak əldən çıxıb. Ona görə də arzuolunandır ki, Konstitusiya Məhkəməsi bankların yox, vətəndaşların xeyrinə qərar çıxarsın".

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...