Prezident Azərbaycanın ixrac nomenklaturasını genişləndirməyin yeni istiqamətini göstərdi

Tarix: 13.04.2015 / 02:30
Bölmə: İqtisadiyyat

Əli Əlirzayev: «Fermerlərin həmin heyvanlara qulluq səviyyəsi yüksəlməlidir»

«Elə etmək lazımdır ki, sahibkarlar xaricdən ətlik və südlük cins heyvanların ölkəyə gətirilməsində maraqlı olsunlar»

Prezident İlham Əliyev Nazirlər Kabinetinin 2015-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasda kənd təsərrüfatı ilə bağlı mühüm təkliflər verib.

Onun fikrincə,ənənəvi kənd təsərrüfatı məhsullarının ixracı ilə yanaşı, heyvandarlıq məhsullarının ixracına da önəm verilməlidir: «Əlbəttə ki, bazar iqtisadiyyatı prinsipləri bizim üçün əsasdır. Biz idxal da, ixrac da edirik. Ancaq görürük, bəzi hallarda əgər biz hansısa mənbədən asılıyıqsa, onda müəyyən problemlər yaranır, o cümlədən qiymətlə bağlı olan problemlər. Bizim son illər ərzində gördüyümüz işlər imkan verdi ki, indi inflyasiya çox aşağı səviyyədə olsun. Nəyə görə? Çünki biz xarici bazarlardan, xarici ərzaq bazarlarından o qədər də asılı deyilik. Çünki yerli istehsal artıq kifayət qədər güclüdür. Ona görə ərzaq təhlükəsizliyi birinci məsələdir. Yerli istehsalın artırılması prosesi gedir. Müxtəlif yerlərdə emal müəssisələri yaradılır və ixrac imkanlarımız da genişlənir. Biz indi ixrac nomenklaturamızı da genişləndirməliyik. Azərbaycandan ənənəvi olaraq meyvə-tərəvəz ixrac edilirdi. İndi isə daha çox hazır məhsul və digər, yəni süd məhsulları ixrac edilməlidir. Gələcəkdə ət məhsulları və digər məhsullar ixrac edilməlidir».

O da məlum həqiqətdir ki, Azərbaycanın bir sıra kənd təsərrüfatı məhsullarının istehsalı üçün potensialı zəngindir. Sadəcə, bu potensialı düzgün dəyərləndirmək lazımdır. Bu minvalla həm yerli tələbatı ödəmək olar, həm də xarici bazarlara ixrac həcmini genişləndirmək mümkündür. Bütövlükdə, süd və ət məhsullarının ixracına nail olmaq üçün hansı tədbirlərin görülməsinə ehtiyac var?

Sözügedən məsələ ilə bağlı fikirlərini «Bakı-Xəbər»lə bölüşən iqtisadçı-alim Əli Əlirzayevin sözlərinə görə, bunun üçün bir sıra tədbirlər görülməlidir: «Birinci növbədə ixracyönümlü siyasət aparılmalıdır. Məhsul istehsalı artırılmalı, əhalinin tələbatı ödənilməlidir, istehsal olunan əlavə məhsul bazara çıxarılmalıdır, kəmiyyət və keyfiyyət göstəriciləri artırılmalıdır. Bütün bunlar o qədər də asan deyil. Bunun üçün gərək süd və ət məhsullarının ixracı üçün bazar olsun. Sahibkarlar arasında rəqabət mühiti yaradılmalıdır. Elə etmək lazımdır ki, sahibkarlar xaricdən ətlik və südlük cins heyvanların ölkəyə gətirilməsində maraqlı olsunlar. Təkcə bununla məsələ bitmir. Fermerlərin həmin heyvanlara qulluq səviyyəsi yüksəlməlidir. Burda bir sıra aqrotexniki qaydalar var ki, onlara riayət olunmasa, yüksək məhsul əldə etmək mümkün deyil. Aqrar sahədə bununla bağlı kənd təsərrüfatı mütəxəssislərinin hazırlanmasına ehtiyac var. Son illər xaricdən müxtəlif növ cins heyvanların gətirilməsi artıb.

Ancaq bəzən görürsən ki, gətirilən heyvanlar yerli iqlimə uyğunlaşa bilmir və nəticədə tələf olur. Ona görə də bir çox işlər paralel şəkildə həyata keçirilsə, süd və ət məhsullarının ixracına nail olmaq mümkündür».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...