Azərbaycan Neft Fondunun rubla stavka siyasəti özünü doğrultdu

Tarix: 08.04.2015 / 03:51
Bölmə: İqtisadiyyat

Məlum olduğu kimi, son illərdə Azərbaycan valyuta ehtiyatlarının diversifikasiyası istiqamətində fəal siyasət yürüdür. Bu fonda valyuta ehtiyatlarının tərkibinə, dollar və avro ilə yanaşı, başqa xarici valyutalar, o cümlədən qızıl da daxil edilib. Son dövrlərdə isə valyutaların oynayan kursu ilə bağlı olaraq təkliflər səslənir ki, ehtiyatların tərkibinə yenidən baxılsın.
Xüsusən də avro və dollardan kənar valyutalardan, o cümlədən Rusiya rublundan imtina ilə bağlı təkliflərin sayının artması müşahidə olunur.
Lakin Azərbaycan Dövlət Neft Fondunun (ARDNF) icraçı direktoru Şahmar Mövsümov hökumətin məsələyə tamamilə fərqli prizmadan yanaşdığını bildirir. Onun dediklərindən belə aydın olur ki, valyuta ehtiyatlarının tərkibi ilə bağlı indiki siyasət davam etdiriləcək. Məsələn, Rusiya rubluna qoyulan sərmayədən imtina olunması nəzərdə tutulmur. Şahmar Mövsümov bildirir ki, 2015-ci ilin əvvəlinə Azərbaycan Dövlət Neft Fondunun Rusiyadakı investisiya portfeli 568,2 milyon dollar səviyyəsində qiymətləndirilir: "Fond hər zaman, istər Rusiya, istərsə də digər ölkələr olsun, sərfəli sərmayə yatırımları üçün imkanları qiymətləndirir. Hazırda ARDNF-in Rusiyadakı investisiya portfeli daşınmaz əmlaka və "VTB Bank"ın səhmlərinə qoyulan vəsaitlərdən ibarətdir. 2015-ci il yanvarın 1-nə bu portfel cari məzənnə ilə 568,2 milyon dollar səviyyəsində qiymətləndirilir və fondun ümumi investisiya portfelinin 1,5%-ni təşkil edir". Onun sözlərinə görə, inkişaf edən iqtisadiyyatların, Rusiya da daxil olmaqla, artım tempinin azalması, regionda geosiyasi risqlərlə əlaqədar rus rublunun və inkişaf etmiş digər ölkələrin valyutalarının devalvasiyası fondun rublla ifadə olunan aktivlərinin gəlirliliyinə mənfi təsir göstərib: "Buna baxmayaraq, biz rubla investisiyalarımızı saxlamaq niyyətindəyik, çünki onlar uzunmüddətli xarakter daşıyır. "VTB Bank" aktivlərinin həcminə görə Rusiyanın ikinci bankıdır, bu banka, bizimlə yanaşı, Norveç Fondu və Qətər Suveren Fondu kimi iri maliyyə institutları tərəfindən investisiya qoyulur". Bu açıqlamadan aydın görünür ki, hökumət rubla yatırılan sərmayədən imtina etmək niyyətində deyil. Rublun isə yenidən güclənməyə başlaması bu istiqamətdə həyata keçirilən siyasətin əslində özünü doğrultduğunu göstərir.
Şahmar Mövsümov "İnterfaks-Azərbaycan" agentliyinə müsahibəsində daha bir maraqlı məqama diqqət çəkərək onu da bildirib ki, Dövlət Neft Fondu Çin Xalq Bankından 3 milyard yuan, yəni təxminən 500 milyon dollar almaq üçün icazə alıb: "Hazırda ARDNF-in aktivlərinin bir hissəsinin Çin yuanına qoyulması üzrə işlər davam etdirilir. Artıq Çin Milli Bankından 3 milyard yuan məbləğində investisiya qoyulmasına icazə verilib. Hazırda bu strukturla müqavilənin imzalanması istiqamətində iş aparılır. Müqavilə imzalandıqdan sonra Çin yuanına investisiya qoymaq mümkün olacaq". Onun sözlərinə görə, Çində tənzimləyicilər xarici investorlarla bağlı müəyyən məhdudiyyətlər tətbiq edir və yalnız müvafiq dövlət orqanlarından razılıq almış investorlar bu ölkənin maliyyə bazarında fəaliyyət göstərmək hüququ əldə edir: "Bu lisenziyalardan biri "Müvəkkil əcnəbi institutsional investorlar" adlanan lisenziyadır və Çin Xalq Respublikası Qiymətli Kağızların Tənzimlənməsi Komitəsi (QKTK) tərəfindən verilir. Çin qanunvericiliyinə əsasən, ARDNF-in bu lisenziyanı alması üçün iki dövlətin müvafiq qurumları arasında, xüsusən Azərbaycan Qiymətli Kağızlar üzrə Dövlət Komitəsi (QKDK) və Çin QKTK arasında Anlaşma Memorandumu imzalanmalıdır. Hazırda QKDK belə bir memorandumun imzalanması məqsədilə işləri davam etdirir".
Beləliklə, yuxarıda qeyd edilənlərdən aydın olur ki, yaxın tezlikdə valyuta ehtiyatlarımızın tərkibində Çin yuanı olacaq. Ekspertlər isə bunu məqbul addım hesab edir. Məsələ burasındadır ki, dünyada yuana tələb getdikcə artır. Bunu şərtləndirən amillərdən biri də Çinin iqtisadi mövqelərinin güclənməsidir. Bu mənada ekspertlər qeyd edir ki, Dövlət Neft Fondunun rezervlərinin müxtəlif valyutalarda saxlanması risqlərin idarə olunması baxımından müsbət sayılmalıdır. Digər tərəfdən nəzərə alınmalıdır ki, rezervlərin ayrı-ayrı valyutalarda saxlanması mümkündür. Çünki bir valyutanın dəyəri aşağı düşəndə avtomatik olaraq digər dönərli valyutanın dəyərində artımlar olur. Bu da birmənalı şəkildə risqlərdən sığortalanmağa imkan verir. Onu da bildirək ki, Çin iqtisadiyyatı yalnız istehsal hesabına yaxın 10 ildə öz valyutasını möhkəmlədən ölkələrdən biridir. Hazırda dünya birjalarında, qiymətli kağızlar bazarında yuanla alış-veriş möhkəmlənib. Son ilin göstəricilərinə əsasən demək olar ki, yuan oturuşmuş puldur. Növbəti üç-dörd il ərzində isə Çin iqtisadiyyatında yalnız artım proqnozlaşdırılır. Ona görə də, onların valyutası bir sıra investorlar üçün cəlbedici olub. Hətta yuanın 2020-ci ilə qədər ABŞ dolları və avronun ardından üçüncü böyük pul vahidinə çevriləcəyi gözlənir. Avropa Mərkəzi Bankının proqnozlarına görə, yaxın illərdə Çin yuanına tələbat kəskin artacaq. Bütün bunlar yuana sərmayə yatırılmasının kifayət qədər doğru addım olduğunu göstərir və təqdir edilir.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...