Manatla «üzmək», manatı «üzdürmək»...

Tarix: 03.04.2015 / 01:42
Bölmə: İqtisadiyyat

Pərviz Heydərov: «İndiki halda tam «üzən məzənnə» siyasətinə keçilsə, milli iqtisadiyyat çox ziyan çəkə bilər»

«Buna görə idarə olunan məzənnə siyasətinə üstünlük verilir»

Məlum olduğu kimi, Azərbaycan Mərkəzi Bankı həyata keçirdiyi məzənnə siyasəti sahəsində «üzən məzənnə»yə tam keçid üçün hazırlıq işləri görür. Bunu Milli Məclisin İqtisadi Siyasət Komitəsinin iclasında iştirak edən AMB-nin sədri Elman Rüstəmov bəyan edib: «Biz artıq dinamik bir sistemə daxil olmuşuq.

Bu gün manatın məzənnəsi idarə olunan «üzən məzənnə» adlandırılır. Manat bu gün xarici valyutalara nisbətdə öz dəyərini axtarır».

E.Rüstəmov qeyd edib ki, Azərbaycan hələ tam «üzən məzənnə» siyasətinə keçid üçün hazır deyil: «Bunun üçün valyuta qazanan və valyuta satan çox olmalıdır. Ölkədə isə hazırda 2-3 əsas valyuta satan şirkət var - Dövlət Neft Fondu, SOCAR və Mərkəzi Bank. Hazırda bizdə «üzən məzənnə»yə hazırlıq gedir. Əgər biz hazırda məzənnəni idarə etməsək, dollar daha 20-30 faiz möhkəmlənə bilər ki, bu da iqtisadiyyatda əsəbilik yaradar. Ona görə də idarə olunan «üzən məzənnə» siyasəti yürüdürük».

AMB başçısı onu da qeyd edib ki, 2015-ci il ərzində Azərbaycanda şok devalvasiya gözlənilmir: «Əlbəttə ki, neftin qiyməti və digər amillər nəzərə alınmaqla. Neftin qiyməti üzrə əsas proqnoz isə 50-55 dollar/barrel səviyyəsindədir».

Maraqlıdır, Azərbaycan «üzən məzənnə» siyasətinə keçsə nə baş verəcəkğ Ekspertlərin bununla bağlı fikirləri nədən ibarətdirğ

Sözügedən məsələni dəyərləndirən iqtisadçı-ekspert Pərviz Heydərov hesab edir ki, AMB sədrinin manatın dəyərinin yaxın perspektivi haqda son olaraq söylədiyi fikirlər yenə bəzilərinə müvafiq kampaniyaya başlamaq üçün əsas verib: «Belə ki, söhbət hökumətin guya tezliklə tam «üzən məzənnə» siyasətinə keçəcəyindən gedir. Halbuki, E.Rüstəmov belə deməyib və bu, praktik olaraq da mümkün deyil. Məsələ ondadır ki, bizdə devalvasiya düzgün anlanılmır və bu sahədə bir çox mətləblər qarışdırılır. Devalvasiya ölkənin mərkəzi maliyyə qurumu tərəfindən yumşaq pul-kredit siyasətini ehtiva edir ki, bunun əsas məğzi dövriyyəyə tələb olunduğundan artıq nəğd pul buraxılmamasından ibarətdir. Başqa sözlə desək, mükəmməl devalvasiya siyasəti əsas etibarilə pul-kredit mexanizmi çərçivəsində həyata keçirilir. Azərbaycanda uzun illərdir AMB sərt-pul kredit siyasəti həyata keçirir. Keçən il bu proses istehlak kreditlərinin verilməsi prosedurunun məhdudlaşdırılması ilə bir az da sərtləşdirildi».

Ekspertin fikrincə, hətta neftin qiyməti kəllə-çarxda olan illərdə belə xarici maliyyə qurumlarının yumşaq məzənnə siyasətinə keçməyi tövsiyə etməsinə baxmayaraq, hökumət buna getməyib: «Bu da bir çox cəhətdən özünü doğruldub.

Belə ki, neftin qiyməti yüksək olan zaman ölkəyə kəskin dollar axını var idi ki, dövlət büdcəsinə gəlirlər geniş xarakter daşıyırdı. Bu zaman hökumət ölkədə geniş infrastruktur layihələri həyata keçirirdi. Yeri gəlmişkən, bəziləri deyir ki, manatın dəyəri həmin vaxt sərbəst buraxılsaydı, guya dollar 78 qəpiyə qədər deyil, 50 qəpiyədək ucuzlaşa bilərdi. Bu tamamilə səhv fikirdir. İndiki halda tam «üzən məzənnə» siyasətinə keçilsə, milli iqtisadiyyat çox ziyan çəkə bilər. Məhz buna görə idarə olunan məzənnə siyasətinə üstünlük verilir».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...