Elman Rüstəmov manatın gələcək kursu ilə bağlı çox maraqlı fikirlər söylədi

Tarix: 02.04.2015 / 03:20
Bölmə: İqtisadiyyat

Mərkəzi Bank müştərinin razılığı olmadan kredit şərtlərini dəyişən bankları cəzalandıracağını bildirdi

Azərbaycan Mərkəzi Bankı (AMB) müştərinin razılığı olmadan kredit müqaviləsi şərtlərini dəyişən banklara qarşı ciddi tədbirlər görəcək. «Trend»in məlumatına görə, bunu Mərkəzi Bankın sədri Elman Rüstəmov Milli Məclisin İqtisadi siyasət komitəsinin iclasında deyib.

Onun sözlərinə görə, Azərbaycan əhalisi banka götürdüyü krediti aldığı valyutada qaytarmalıdır: «Əgər bank müştərinin razılığı olmadan müqavilənin şərtini dəyişibsə və krediti digər valyutaya çeviribsə, bu ciddi qanun pozuntusudur. Belə hallarda Mərkəzi Bank ciddi tədbirlər görəcək».

E.Rüstəmov qeyd edib ki, əhalinin kredit yükünü azaltmaq üçün AMB banklara kreditlərin ödəniş müddətini uzatmağı və onlar üzrə faiz dərəcələrini azaltmağı təklif edib: «Banklar kreditləri restrukturizasiya etməsələr, problemli kreditlərin həcmi arta bilər».

O, eyni zamanda dollarlaşma prosesinə toxunub: «Bunun tempi azalır və proses davam edir. Bankların bir çox müştərisi əmanətlərini dollarda saxlayır və hesab edirik ki, bu tendensiya dollarda qoyulmuş əmanətlərin artırılması istiqamətində davam edəcək. Əhalinin vəsaitlərini problemsiz olaraq dollara çevirməsi üçün kifayət qədər valyuta ehtiyatımız var. Mərkəzi Bank manatın məzənnəsini dəyişdikdən sonra manatın məzənnəsini kəskin dəyişikliklərdən qorumaq məqsədilə valyuta bazarında 1 milyard dollar həcmində intervensiya həyata keçirib».

«Azərbaycanda ABŞ dollarına nisbətdə manatın məzənnəsində ciddi dəyişikliklər gözlənilmir, amma neftin qiyməti kəskin şəkildə azalsa, milli valyutanın məzənnəsi bu şərtlərə uyğunlaşdırılacaq». «Trend»in məlumatına görə, bunu Azərbaycan Mərkəzi Bankının (AMB) sədri Elman Rüstəmov Milli Məclisin İqtisadi siyasət komitəsinin iclasında bildirib.

E.Rüstəmov qeyd edib ki, ölkədə manatın ciddi devalvasiyası gözlənilmir: «Lakin milli valyutanın məzənnəsi dünya bazarlarındakı vəziyyətdən, xüsusilə də neftin qiymətinin kəskin ucuzlaşması ilə əlaqədar dəyişə bilər. Bununla belə, iri maliyyə institutlarının qiymətləndirməsinə görə, dolların qiyməti bir barrelə görə 50-55 dollar arasında tərəddüd edəcək».

AMB sədri deyib ki, əvvəl Azərbaycan neftinin bir bareli 140 dollara satılırdı, indi isə onun dəyəri 50-55 dollara qədər azalıb: «Buna görə də müvafiq tədbirlər görmək lazımdır».

Onun sözlərinə görə, Mərkəzi Bank hamı tərəfindən dəstəklənən qərarlar qəbul etməyə məcbur deyil: «Kimsə belə qərarlar qəbul etmək üçün işləyirsə, böyük səhv edir. Qərarlar ölkənin və əhalinin maraqlarının müdafiəsi üçün qəbul olunur».

İclas zamanı deputat Vahid Əhmədov təklif edib ki, gələn ilin əvvəlinədək yumşaq devalvasiya aparılsın və bununla da manat öz bazar dəyərinə çata bilsin.

Azərbaycan Mərkəzi Bankı manatın idarə olunan üzən məzənnə rejiminə keçməyi planlaşdırır. «Trend»in məlumatına görə, bunu da Azərbaycan Mərkəzi Bankının sədri Elman Rüstəmov Milli Məclisin İqtisadi siyasət komitəsin iclasında deyib.

Onun sözlərinə görə, Azərbaycan, hələ ki, üzən məzənnə siyasətinə keçidə tam hazır deyil, bunun üçün ölkədə kifayət qədər vəsait qazanan təşkilatlar olmalıdır: «Hazırda Azərbaycanda cəmi üç belə təşkilat var. Bu, Azərbaycan Respublikası Dövlət Neft Fondu, Mərkəzi Bank və Azərbaycan Respublikası Dövlət Neft Şirkətidir. Biz tam üzən məzənnə siyasətinə keçsək, bazardan asılı olaraq manat 20-30 faiz ya möhkəmlənə, ya da ucuzlaşa bilər. Bu isə iqtisadiyyata mənfi təsir edə bilər».

E.Məmmədov qeyd edib ki, hazırda Azərbaycan manatın idarə olunan üzən məzənnə siyasətinə keçir.

2016-cı il dövlət büdcəsinin proqnozlarına görə, 1 barrel neftin qiyməti 50 dollar əsasında formalaşdırılacaq. Azərbaycan Mərkəzi Bankının İdarə heyətinin sədri Elman Rüstəmov bildirib ki, iri maliyyə institutlarının proqnozlarına əsasən, 1 barrel neftin qiyməti 50-55 dollar arasında dəyişəcək: «Artıq uzun müddətdir neftin qiyməti bu diapazonda hərəkət edir. Hesablamalarımıza görə, neftin qiyməti 50-55 dollar səviyyəsində qorunacaq.

Buna görə də 2016-cı il üçün biz neftin 1 barrel baza qiymətini 50 dollar səviyyəsində müəyənləşdirməyi planlaşdırırıq».

DİGƏR XƏBƏRLƏR

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...