Türkiyə otellərinin reytinqini azərbaycanlılar müəyyənləşdirəcək(?)

Tarix: 02.04.2015 / 02:49
Bölmə: İqtisadiyyat

Nahid Bağırov: «Sezon əvvəli Turizm Assosiasiyası digər ölkələrdə mövcud olan otellərdə baxış keçirir»

«AzTA-nın Türkiyə otellərini «qara siyahı»ya salmaq üçün heç bir səlahiyyəti yoxdur və bu səlahiyyət ancaq Türkiyə hökumətinə məxsusdur»

Azərbaycanın Türkiyə otelləri ilə bağlı «qara siyahı» hazırlaması bu ölkənin otel sektorunu təşvişə salıb. Belə ki, Azərbaycan Turizm Assosiasiyasının (AzTA) turistlər arasında populyar olan türk otellərinin AzTA xarici turizm komitəsinin üzvləri tərəfindən yoxlanacağına dair açıqlaması qonşu ölkədə narahatlığa səbəb olub.

Qeyd edək ki, aprel ayında aparılacaq yoxlamalar mayda hesabat şəklində təqdim ediləcək və azərbaycanlı turistlər üçün tövsiyə edilən və edilməyən otellərin siyahısı hazırlanacaq. Hər il Azərbaycandan Türkiyəyə 600 min turist səfər edir.

Azərbaycan Turizm Assosiasiyasının Türkiyədəki otellərin monitorinqinə başlaması qardaş ölkənin bu sektorla məşğul olan qisminin ciddi narahatlığına səbəb olub. Bu məsələ Türkiyə mediasının da gündəminə düşüb və Azərbaycanın «qara siyahı»sında yer almaqla bağlı narahatlıqlar ifadə edilib. Türkiyə mətbuatında qeyd olunur ki, bu qərar türk otelçilərinin narazılığına səbəb olub. Türk otellərinin sözçüsü TUROFED və TUROB rəhbərləri də «qara siyahı» məsələsinə münasibət bildiriblər. TUROFED rəhbəri Osman Ayık bildirib ki, türk otellərinin xidmət səviyyəsi hər zaman çox yüksək olub: «Eyni zamanda, Mədəniyyət və Turizm Nazirliyinin sənədləri də xidmət səviyyəsinə zəmanət verir. Bizim otellərimizin hamısı dünyada keçərli olan İSO sənədlərini alıb. Bu günə qədər heç bir ölkədən belə tələb gəlməyib. Bizə heç bir məlumat verilməyib».

TUROB rəhbəri Timur Bayındır isə bildirib ki, bu, otel ilə turizm şirkətləri arasında tənzimlənməli olan məsələdir: «Bəyənərlərsə turist gətirərlər, bəyənməzlərsə gətirməzlər. Buna yoxlama demək olmaz. Nəzarət səlahiyyəti ancaq Turizm Nazirliyinə məxsusdur. Azərbaycan Turizm Assosiasiyasının rəhbəri Nahid Bağırovu da yaxşı tanıyıram, pozitiv insandır. Görəsən, Türkiyədə başına onu qəzəbləndirəcək bir hadisə gəlib?».

Məsələ ilə bağlı fikir bildirən Azərbaycan Turizm Assosiasiyasının rəhbəri Nahid Bağırov «Bakı-Xəbər»ə açıqlamasında qeyd etdi ki, sezon əvvəli AzTA digər ölkələrdə mövcud olan otellərdə baxış keçirir. Onun sözlərinə görə, AzTA-nın Türkiyə otellərini «qara siyahı»ya salmaq üçün heç bir səlahiyyəti yoxdur və bu səlahiyyət ancaq Türkiyə hökumətinə məxsusdur: «Türkiyə mətbuatı bizim o ölkədə otellərə baxış keçirəcəyimiz xəbərini yanlış anladıqları üçün təşvişə düşüblər. AzTA-nın tərkibində bu il 5 yeni komitə yaradılıb. Bunlardan biri də «Outgoing» (Getmə turizmi) komitəsidir. Komitə bizim vətəndaşların hüquqlarının qorunması məqsədini daşıyır. Bu normal prosedurdur və mövsümdən qabaq otellərin yoxlanması təcrübədə müşahidə edilir, bu, otellərin keyfiyyətinin yoxlanması məqsədini daşıyır. Turizm şirkəti üçün hansı istiqamət daha populyardırsa, onun əməkdaşı gedib yerindəcə şəraitlə tanış olur və qeydlər aparır, turistlərinə tövsiyələr edir».

Həmsöhbətimiz onu da əlavə etdi ki, turistlərin səfəri zamanı müxtəlif problemlər yaşanır: «Məsələn, turist 5 ulduzlu otelə gedir, daxil olur və orada tikinti işlərinin hələ tam başa çatmadığını görür. Dəfələrlə belə hal olub. Oteldə problem yaranır, turistin istirahəti pozulur, hüquqları pozulur. O da dərhal turizm şirkətinə zəng edir. Burada həmin turizm şirkətinin də hüquqları pozulur. Daha sonra turist başqa yerə köçürülür. Bu, hər dəfə təkrar olunan problemdir».

N.Bağırovun sözlərinə görə, hazırda Azərbaycanda 270 turizm şirkəti fəaliyyət göstərir. Həmin şirkətlərin hamısının imkanları yoxdur ki, sezon əvvəli otellərdə baxış keçirsin: «Şirkətlərdən təxminən 30-40-ı Türkiyədə fəaliyyət göstərən otellərə baxış keçirə bilər. Qalan şirkətlər isə kor-koranə şəkildə tur paketlərinin satışını həyata keçirir. Azərbaycanda bütün turizm şirkətlərini birləşdirən bir qurum var və məhz bu Assosiasiyanın tərkibindəki komitənin əməkdaşları otelləri yoxlayanlar sırasında olacaq. Bu, vətəndaşlar qarşısında borcumuzdur. Biz gördüklərimiz əsasında tövsiyələr verəcəyik. Bunu öz vətəndaşlarımızın hüquqlarını qorumaq üçün edirik».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...