“Bakıda final – bu məzəlidir” – deyən Yurgen Klopp nədə haqlı deyil...
Rusiyanın MKRU saytının müxbiri Aleksey Lebedev “Liverpul”un baş məşqçisi, alman mənşəli Yurgen Kloppun Avroliqanın “Arsenal” və “Çelsi” Britaniya klubları arasında final oyununun Bakıda keçirilməsinə göstərdiyi mənfi münasibətə cavab olaraq maraqlı yazı ilə çıxış edib. Həmin yazının tərcümə variantını oxucularımıza təqdim edirik
“Bakıda Final oyunu keçirmək çox məzəlidir. Mən bilmirəm bu uşaqlar səhər yeməyində nə yeyiblər ki, belə bir qərar qəbul ediblər”...
Bu sözləri “Liverpul”un baş məşqçisi, alman mənşəli Yurgen Klopp Avroliqanın “Arsenal” və “Çelsi” Britaniya klubları arasında final oyununun Bakıda keçirilməsini şərh edərkən deyib. Lakin Klopp mənim hazırda ən çox dəyər verdiyim məşqçi olsa da deməliyəm ki, o bu fikrində haqlı deyil. Birincisi, Çempionlar Liqasının bu yaxınlarda Kiyevdə keçirilən final oyununu xatırlayaraq deyir ki, bu çox pis ənənədir və Avropanın bu hissəsindən komandalar “istənilən halda ora gedib çıxmayacaq”. Əgər bu alman mənşəli şəxs keçmiş Sovetlər İttifaqını nəzərdə tutursa - əsas turnirdə olmasa da, Rusiya və Ukrayna komandaları XXI əsrdə həlledici matçda oynayıblar. Hətta qənimət də götürüblər – Moskvanın MOİK-i də, Piterin “Zenit”i də, Donetskin “Şaxtyor”u da. Siz deyin, bu çoxdanmı baş verib? Bu ki əladır, və Klopp burda ikiqat haqsızdır. Çünki neytrallıq prinsipi əsasdır. Görəsən, şənbə günü Madriddə Çempionlar Lliqasının finalında “Liverpul” “Atletik” və ya “Real”la üz-üzə gəlsəydi o nə deyəcəkdi? Fikrimcə, Rusiya Kubokunun təşkilatçısı olan Rusiya Futbol İttifaqı 2019-un həlledici görüşünü Samaraya təyin etməklə müdriklik göstərib. Əks halda Moskvada “Lokomotiv”ə qarşı oynamaq Yekaterinburqun “Ural”ına haqsızlıq olardı.
Baha başa gələr? Bu nə zəman həqiqi fanatlar üçün əngəl olub? Yoxsa (bu da üçüncüsü) Dünya Kuboku üçün Yaponiyaya getmək daha ucuz başa gələcəkdi?
Dördüncüsü isə, əminəm ki, hörmətli alman məşqçini ingilis və və ümumilikdə, bəlkə də Qərbi Avropanın zehniyyətində oturuşmuş stereotiplər idarə edir, yəni oralarda yoxsulluq var, irqçilik var və s. Məsələ, hətta Rusiyada 2018-ci il Dünya Kubokuna qədər hakim olan siyasi tərkibdə də deyil. Nəticədə, eyni qorxu (bəlkə bir az daha kiçik miqyaslı) Avro-2012-də ukraynalılar qarşısında İngilis azarkeşlərdə də vardı...
Əslində mən yaxınlarda Bakıda olmuş bir insan kimi sizi əmin edə bilərəm: bu, dünyanın ən təhlükəsiz, ən qonaqpərvər və gözəl mətbəxi olan şəhərlərindən biridir. Heç bir İslam fanatizmi yoxdur, azı Rusiyada olduğu qədər sizə içki süzəcəklər. Buna görə də hələlik şübhə içində olan britaniyalılara (elə öz həmvətənlərimizə də) tövsiyə edərdim: bütün iş-gücünüzü atıb Bakıya gedin. Əks halda London derbisini və “Brilyant əl” filmində Yuri Nikulinin yıxılaraq “çort poberi” (lənət şeytana) dediyi məkanı nə vaxt görəcəksiniz?
