ABŞ-ın baş prokuroru Uilyam Barr aprelin 18-də Ədliyyə Nazirliyinə xüsusi təhqiqatçı Robert Müllerin hesabatının tam versiyasını açıqlayıb. Robert Müller 2 il ərzində ABŞ prezidenti Donald Trampın seçki komandası, yaxınlarının Rusiya ilə əlaqələrini və Rusiyanın 2016-cı il ABŞ prezident seçkilərinə müdaxiləsini araşdırıb.
Hesabatın xülasəsi martın 24-ü dərc olunub və orada müstəntiqlərin Trampın kampaniyasının Rusiya və onun höküməti ilə əlaqəsinə aid heç bir dəlil tapmadığı bildirilib.
400 səhifəlik hesabat redaktə edilmiş formatda çap olunub. Hesabatda hazırkı araşdırmalara, habelə bir sıra araşdırmalarda iştirak edən şəxslərin şəxsi məlumatlarına aid hissələr çıxarılıb. Barr başqa heç bir ixtisar edilmədiyini deyib.
ABŞ baş prokuroru daha öncə xülasədə qeyd olunmuş nəticələri təsdiqləyib: Trampın seçki qərargahından və ya digər ABŞ vətəndaşı aşağıda sadalanlardan heç biri ilə əlaqədə olmayıb:
İnternet Tədqiqat Agentliyi (onu Kremlə yaxın iş adamı Yevgeny Prigojinlə əlaqələndirirlər): Amerikanın sosial şəbəkələrində Demokrat Partiyaya qarşı kampaniya aparıb,
ABŞ Demokrat Partiyasının icra orqanı olan Milli Demokratik Komitəsinin serverlərinə hücuma nəzarət edən Rusiya xüsusi xidmət orqanları ilə.
Barr həmçinin, Demokrat Partiyasının serverindən gələn məktubları Rusiya kəşfiyyat xidməti GRU-nun "Wikileaks" vasitəsilə yaydığını düşündüyünü söyləyib. Lakin onun sözlərinə görə, Trampın seçki qərargahı və yaxın ətrafından heç kəs nə GRU, nə də Wikileaks nümayəndələri ilə əlaqədə olub. Barr həmçinin bildirib ki, kompüterin hak olunmasından fərqli olaraq, məlumatların dərc olunması özü-özlüyündə cinayət sayılmır. Lakin müstəntiqlər Trampın ətrafından heç kimin hər iki halla əlaqəsini müəyyən edə bilməyib.
Hesabatda Müellerin xüsusi bir prokuror təyin olunmasını öyrənəndə ABŞ prezidenti Trampın çox narahat olduğu qeyd edilir. Hesabatda Trampın "Çox pis oldu, bu mənim prezidentliyimin sonu olar... Bu istintaq illərlə davam edə bilər və mən heç nə edə bilmərəm. Bu mənim başına gələn ən pis şeydir" dediyi bildirilir.
Tramp, ABŞ-ın keçmiş ədliyyə naziri Jeff Sessionsa çox sərt şəkildə "Buna necə icazə verə bilərsən Jeff? Sənin vəzifən məni qorumaq deyilmi?" deyib.
Digər tərəfdən, Müellerin hesabatında Trampın “Rusiya işi” istintaqına təsir göstərmək üçün bəzi addımlar atmaq istədiyi, ancaq ətrafdakı adamların ona qarşı çıxaraq bunu rədd etdiyi qeyd edilir.
Amerikalı mətbuat, Müellerin "Tramp ədalətin qarşısını almaq və istintaqı yönəltmək istədi" sözlərini manşetlərə daşıyaraq, Trampın istintaq müdaxilə etmək istədiyini yazıb.
