Malayziyanın baş naziri Mohammad Nacib Tun Abdul Razzakın ailəsində sevindirici hadisə baş verib. Baş nazir ilk dəfə dəfə baba olmağn sevincini yaşayıb.
Uşağın valideynləri qazaxıstanlı gənc, məşhur iş adamı Daniyar Kesikbayev - Nazarbayev və Malayziyanın baş nazirinin qızı Nuriannadır.
Oğul atası olan Daniyarla baş nazirin qızı Amerika Birləşmiş Ştatlarında təhsil alarkən tanış olublar. Daniyar Kolumbiya, Nuriana isə Corctaun Universitetlərini bitiriblər. Cütlüyün nişan mərasimi 2011-ci ildə olub. 2015-ci ildə isə həm Malayziyanın paytaxtı Kuala Lupmurda, həm də Daniyarın vətəni Almatıda təntənəli toy mərasimləri keçirilib. Onalın hər ikisi hazırda Harvard Universitetində təhsillərini davam etdirirlər.
Qeyd edək ki, qazax və malay qanı daşıyan körpənin adı da artıq məlumdur. Doğmaları ona Adam Razzak Daniyar adı veriblər. Ana və körpə artıq klinkadan evə buraxılıb. Onları xəstəxanadan çıxarkən Malayziya hökumətinin nümayəndələri, baş nazirin anası, Bruney kraliçası, İndoneziyanın sabiq prezidentinin qızı, Daniyarın yeganə qardaşı Xanbolat Nazarbayev, eləcə də gənc valideynlərin anaları - Malayziyanın birinci xanımı Datin Rozmax binti Mansor və "Şərq gözəli" kimi tanınan Mayra Kurmanqaliyeva-Nazarbayeva qarşılayıb.
Bundan başqa, qarşılanma mərasimində hər iki ailənin yaxın adamları iştirak edib. Onlar kartejin müşayəti ilə baş nazirin iqamətgahına yollanıblar.
Onu da qeyd edək ki, baş nazirin ilk nəvəsinin dünyaya gəlişi ölkdə də böyük sevinclə qarşılanıb. İnsanlar körpənin dünyaya gəlməsini əsl bayram kimi qeyd ediblər.
