Suriyada kürd PYD və silahlı qanadı YPG terrorçularına qoşularaq Suriyada döyüşən britaniyalılar Britaniya üçün təhlükə yaradır. Baki-xeber.com xəbər verir ki, bu barədə “Henry Jackson” (HJS) araşdırma mərkəzinin hesabatında deyilir
Hesabatda diqqət çəkən nüanslardan bir də ABŞ-ın Suriyada müttəfiqi kimi gördüyü PYD\YPG-nin PKK-nın bir qolu adlandırılmasıdır. Bildirilir ki, YPG Türkiyədə ləğv olunmuş və Avropa İttifaqı tərəfindən teror təşkilatı siyahısına daxil edilən Kürdistan Fəhlə Partiyasının (PKK) bir qoludur. Bildirilir ki, xaricdən Suriyaya gələrək YPG-yə qoşulan döyüşçülərin böyük qisminin təşkilatın PKK ilə əlaqəsi barədə məlumatı yoxdur. Ancaq digər döyüşçülər bunu bilir.
Hesabatda PKK-nın tarixi barədə də məlumatlar verilir və bu terror təşkilatının yüzlərlə insanı öldürdüyü qeyd edilir. Hesabatın müəllifi Kayl Orton deyir ki, PKK və YPG eyni təşkilatdır. Onun sözlərinə görə, YPG-ni dəstəkləyənlər terrora qarşı vuruşmaqdansa, bir terror təşkilatına qarşı digər terror təşkilatını gücləndirirlər.
2014-cü ildən indiyədək Britaniya daxil olmaqla, bir çox Qərb ölkələrindən gəlmiş yüzlərlə insan YPG-yə döyüşçü kimi qoşulublar. YPG onlar üçün xüsusi YPG Beynəlxalq Batalyonu da qurub.
HJS bildirir ki, indiyədək YPG-yə qoşulan yüzlərlə xarici döyüşçüdən 29-u Suriyada həlak olub. Ölən 29 nəfər daxil olmaqla, hesabatda ən azı 12 ölkədən gəlmiş 60 nəfər barədə məlumat var.
Təşkilat xəbərdarlıq edir ki, xarici döyüşçülər silah və partlayıcılar üzrə təlimlərdən keçiblər və bu xarici döyüşçülərin qayıtdıqları ölkələr üçün təhlükə yarada bilər. Müəlliflər "Unudulmuş Xarici Döyüşçülər: Suriyada PKK" adlı hesabatda Britaniya hökumətini PKK təbliğatına qarşı tədbirlər görməyə çağırır. Onlar hökuməti Suriyadan Britaniyaya qayıdan YPG döyüşçülərinin ciddi yoxlamadan keçirməyə çağırıb və insanlara təhlükə yaratmağına ehtimalı olanların diqqət mərkəzində saxlamağın vacib olduğunu deyib.
Bir daha qeyd edək ki, Qərb ölkələri YPG-ni İŞİD-ə qarşı mübarizədə mühüm bir müttəfiq kimi qiymətləndirir.
