Ermənistanın Ağrı vadisi və dağətəyi ərazilərində bitki örtüyü təhlükəli filloksera (asma biti) xəstəliyinə məruz qalıb.
Baki-xeber.com-un news.am saytına istinadən xəbərinə görə, bu barədə jurnalistlərlə görüşündə Milli Şərab Mərkəzinin sədri Avaq Arutyunyan məlumat verib və bildirib ki, hökumətin gösrətişinə əsasən sözügedən ərazi artıq yoluxmuş elan olunub. Onun sözlərinə görə, sözügedən virus şərab üzümlüklərini tamamilə məhv edib və o üzdən tənəklərin məhv edilməsi, yerində Avropa növü tənəkliklərin salınması gərəkir. Mərkəz sədrinin sözlərinə görə, rəsmi açıqlamada yoluxmuş sahələrin 100 hektar olduğu göstərilsə də, reallıqda bu xeyli böyük rəqəmlə ifadə olunur. Lakin eksperti daha çox narahat edən məsələ yoluxmuş ərazinin böyüklüyü deyil, bu xəstəliyin “proqressiv templə” yayılmasıdır. O deyib ki, fillokser biti çox sürətlə yayılır və onun qarşısının tezliklə alınması mümkün görünmür.
