ABŞ-da Rusiyanın seçkilərə mümkün müdaxiləsini araşdıran prokuror andlılar heyəti çağırıb. Baki-xeber.com BBC-yə istinadən xəbər verir ki, media, prokuror Robert Mueller cinayət məsuliyyətinə cəlb etmək istiqamətində ilk addım atdığını yazır.
Reuters yazır ki, andlılar heyəti prezident Donald Trampın oğlunun rusiyalı hüquqşünasla 2016-cı ilin iyununda görüşünə görə çağrılıb.
Prezident, Hillari Klintona qalib gəlmək üçün Kremllə gizlicə sövdələşməni ehtimal edən hər kəsə hücum edib.
Andlılar heyəti nəzərdən keçirilən sübutların cinayət işi açmaq üçün yetərli olub-olmamasına qərar verməlidir. Onlar potensial cavabdehi təqsirləndirmir. Sadə vətəndaşlardan ibarət bu qrup prokurora, həmçinin sənədləri əldə etmək, şahidləri dindirmək və ya məhkəmə əmrləri verə bilməyə imkan yaradır.
BBC yazır ki, Robert Muellerin xüsusi müşavir araşdırması Tramp administrasiyası üçün həmişə narahatlıq doğurub. İndi isə bu daha ciddi məsələdir.
Vaşinqtonda andlılar heyətinin çağırılması və bunun oğul Donald Trampın Rusiya vətəndaşı arasında görüşünə aid edilməsi istintaqın prezidentin daxili çevrəsində cəmləşdiyini göstərir. Muellerin ətrafına veteran prokurorları və müstəntiqləri topladığından bu, böyük şok kimi qəbul edilməməlidir. Lakin bu, cinayət ittihamları ilə nəticələnə biləcək zəruri bir addımdır. Ən azından bu, Muellerin keçmiş Milli Təhlükəsizlik Müşaviri Maykl Flinn və onun lobbiçiliyi barədə şübhələrdən daha böyük işin izində olduğunun əlamətidir. Bu onu da göstərir ki, istintaq yaxın vaxtlarda bitməyə bilər.
Bundan əvvəl, Rusiya istintaqı haqqında böyük informasiyalar üzə çıxarkən cənab Tramp rəqiblərini kəskin tənqid edib. İndi o necə cavab verəcək? Prezident Tramp və Rusiya indiyədək bütün sövdələşmə barədə iddiaları rədd ediblər.
Tramp Qərbi Virginayada, Huntinqtonda tərəfdarları ilə keçirdiyi nümayişdə deyib ki, Rusiyanın seçkilərə müdaxiləsinə dair şübhələr ABŞ-ı aşağılayan "saxta" və "uydurma" məlumatdır. "Rusiya hekayəsi - tamamilə uydurmadır- Sadəcə ABŞ siyasət tarixində ən böyük uduzmanı necəsə izah etmək lazımdır", - o bildirib.
Prezident əlavə edib ki, "prokuror yaxşı olardı ki, Hillari Klintonun silinmiş 33 min email-ləri ilə məşğul olsun".
Andılar heyətinin işi məxfi olduğuna görə onun fəaliyyəti açıqlanmayacaq. Robert Muellerin özü də bu barədə təfərrüatlara varmayıb. Aydın olan budur ki, Mueller oğul Tramp və prezidentin kürəkəni Jared Kuşnerlə rusiyalı vəkil arasında ötən ilin iyun ayında yer alan görüşü təhqiq edir.
Oğul Tramp daha əvvəl deyib ki, ona Hillari Klintona qarşı materialın veriləcəyi vəd edilmişdi. Hərçənd ki, onun sözlərinə görə, bu vəd özünü doğrultmadı.
İstintaq prezident Donald Trampın bu görüş barədə öncədən xəbəri olub-olmadığını öyrənmək istəyir.
Media daha bir məsələyə diqqət yetiriləcəyini yazır. Belə ki, istintaq müəyyənləşdirmək istəyir ki, prezident Tramp əvvəlki FTB direktorunu işdən kənarlaşdırmaqla Rusiyanın seçkilərə iddia edilən müdaxiləsilə bağlı aparılan təhqiqata müdaxilə edib ya yox.
Mueller həmçinin Trampın seçki qərargahının rəhbəri olmuş Paul Manafort və Rusiya ilə təmasları barədə məlumatları açıqlamadıqdan sonra işdən çıxarılan prezident müşaviri Maykl Flinnin maliyyə sövdələşmələrini nəzərdən keçirməlidir, məlumatlarda deyilir.
