Şərhçi Yevgeni Robinson "Washington Post" qəzetindəki yazısında İvanka Trampın Ağ Evdəki mövqeyini tənqid edib. Yazıda deyilir:
Bəzi optimistlər İvanka Trampın Ağ Evdə mülayimləşdirici qüvvə olduğunu düşünür, lakin hazırda aydın görünən odur ki, o nəinki hər hansı bir problemin həllinə kömək edir, hətta özü problemin bir hissəsinə çevrilib.
Nepotizmdən başqa, İvanka Trampın Ağ Evdə xüsusi iş otağı və mitinqlər keçirilən zalda arxa kürsüdə yeri var.
Vaşinqton alicənab, yaxşı təhsilli, nailiyyətlər əldə etmiş insanlarla doludur və onların dövlət siyasətinin inkişafı sahəsində həqiqətən bacarığı və təcrübəsi var, lakin İvanka bundan tamamilə məhrumdur.
Doğrudur ki, prezidentin qızı Tramp markası kimi sosial cəhətdən daha çox qəbul olunandır. O və həyat yoldaşı Jared Kushner səyahət etdikləri yerlərdə nadir ictimai dairələr tərəfindən rəğbətlə qarşılanır. İvanka Trampın "çox yaxşı dost" adlandırdığı Çelsi Klinton öz çıxışında onların çoxluğun səsi olduğunu və İvanka Trampın səlahiyyətlərinin çox olmasına qarşı olduğunu bildirib.
İvanka, bir çox sənayeləşmiş ölkələrdə olduğu kimi, ödənişli məzuniyyət proqramını müdafiə etməkdə davam edir və "Wall street" jurnalına göndərdiyi son məktubda bu proqram "Amerikanın işləyən ailələrinə sərmayə" kimi xarakterizə olunur. 10 il ərzində həyata keçiriləcək bu layihə üçün 25 milyard büdcə tələb olunur, İvanka Tramp bunu həyata keçirməyə qadirdir, lakin bu proqramın həyata keçirilməsi prosesinin davam edib-etmədiyi məlum deyil. Proqram həyata keçərsə, amerikanlar onu təbrik edəcək, keçməsə, xalq yeni ailə proqramının hazırlanmasına səs verəcək.
Bu arada İvankanın ayaqqabı kolleksiyası, paltarları və aksessuarlarının Amerika istehsalı olmaması da yeni müzakirələrə səbəb olub. Beləliklə, onun Ağ Evdəki rolunu nəzərdən keçirdikdə deyə bilərik ki, o nəinki cəmiyyətin, hətta öz problemlərini belə, həll etməyə qadir deyil.
Rufanə Salehqızı
