"BBC News"-un verdiyi məlumata görə, Şotlandiyanın şimal-şərq sahillərində dünyanın ilk genişmiqyaslı külək təsərrüfatının formalaşdırılmasına başlanıb.
İnqilabi texnologiya külək enerjisinin suyun dərinliyində, dənizin dib hissəsində dayanan turbinlər üçün yığılmasına imkan verəcək.
Hywind adlanan Peterhed külək təsərrüfatı 20000 evi elektrik enerjisi ilə təchiz etməsi planlaşdırılan sınaq layihəsidir.
İstehsalçı "Statoil" bildirir ki, enerji turbinlərdən çıxdıqdan sonra gözlənilənə bərabər, yaxud ondan daha yüksək nəticə əldə edilməsi gözlənir. Bu texnologiyanın suyun dərin yerlərində, xüsusilə Yaponiya və ABŞ-ın qərb sahillərində daha effektiv olacağına ümid edilir.
Hywind layihəsinin direktoru Leif Delp bildirib: "Bu açıq dəniz şəraitində işləyən bir texnoloji inkişaf layihəsidir. Üzən külək enerjisi təsərrüfatı layihəsinin enerjiyə sərf olunan xərcləri azaltmağa kömək edəcəyinə əminəm. Artıq nəhəng turbinlərdən biri öz yerinə köçürülüb, 4-ü isə hazır vəziyyətə gətirilərək Norveçdə istismara qəbulunu gözləyir. Ayın sonuna qədər geridə qalanların da Peterhedə, yəni 25 kilometr məsafəyə köçürülməsi nəzərdə tutulub.
Turbinlərin hazırlanmasının çox baha başa gəlməsinə baxmayaraq, "Statoil" inanır ki, gələcəkdə istehsalçıların bu sahəyə sərf etdiyi xərclər kəskin şəkildə azalacaq.
Cənab Delp deyib: "Düşünürəm ki, nəticədə biz üzən külək qurğularının subsidiya olmadan rəqabət aparacağını görəcəyik, lakin bizim yenə də qurğular yaratmağa ehtiyacımız var".
Məlumat üçün bildirək ki, 11500 ton ağırlığındakı bu nəhəng turbin alatoran Norveç gecəsində daşınıb. Turbini daşıyan heyət gəmiləri enli kabellərlə təmin edib və maneələri yoxlamaq üçün sualtı qayıqlardan istifаdə olunub. Nəhаyət, nəhəng turbin 78 m dərinlikdə vаzа bənzər, dibi dəmir filizi ilə doldurulmuş boru üzərində yerləşdirilib və həmin qurğu turbinin suyun üzərində dik qаlmаsınа yаrdımçı olub.
Hywind lаyihəsi Əbu Dаbi firmаsı ilə əməkdаşlıq edib. 190 milyon dollаrа bаşа gələn bu lаyihə Böyük Britаniyа hökumətinin yenilənən borc sertifikаtlаrınа əsаsən büdcə ödəyiciləri tərəfindən subsidiyаlаşdırılıb.
Şotlаndiyа RSPB bаşlаnğıcdа lаyihəyə qаrşı çıxıb. Bunа səbəb isə bu lаyihəni sevməməsi deyil, bu ərаzidə bunа bənzər bir çox lаyihənin hаzırlаnmаsı olub.
RUFANƏ
