Böyük Britaniyanın "The Guardian" qəzetinin verdiyi məlumata görə, Surreydə kərpic fabrikinin altindan dinozavr skeleti aşkarlanıb.
Skeletin 132 milyon il əvvəl yaşadığı düşünülən dinozavra aid olduğu düşünülür. Paleontoloqların verdiyi məlumata görə, sümüklər fevral ayında Vienerberqer karxanasının müntəzəm yoxlanışı zamanı ortaya çıxıb. İlk ip ucları isə komanda buldozerin çıxardığı qayaya baxarkən müəyyən olunub və bu bir cüt quyruq sümüyü olub.
"Fossils Galore" internet saytı və muzeyinin banisi Jamie Jordan deyib ki, yamacın kənarından çıxan qara rəngli sümüyün qayada olduğunu görüblər: "Mən sola baxdıqda böyük qara sümüyün qaya parçasından kənarda qaldığını gördüm. Sümüyü buldozerlər aparırdı".
Qayaların parçalandığı yamacda Jordan və onun həmkarı Sarah Moore böyük nəyinsə üzərində dayandıqlarını fərq edib və bir-birinə baxaraq "biz dinozavr tapmışıq!"- deyiblər.
O bildirib ki, bu başlanğıcdır: "Bu böyük nadir tapıntıdır, çünki Birləşmiş Krallıq ərazisindən skelet hissələri tapılmasından artıq xeyli illər ötüb".
Dinozavrın 10 metr enində və 3 metr uzunluğunda ət yeyən İquanodon olduğu güman edilir. Jordan deyib ki, sümüklərin saxlandığı qutu yoxlanır və muzeydəki xüsusi dizayn olunmuş laboratoriyada təmizlənir. Özü də bu işlər elə şəraitdə aparılır ki, arzu edənlər görülən işi öz gözlərilə görə bilər.
"Biz kəlləni hələ tapmamışıq, qalan hissə hələ də qazıntı sahəsindədir, çalışacağıq ki, tezliklə onu tapaq"- deyən Jordan bildirib ki, skelet onun yenidən quraşdırılmasını təmin edən kastla birgə nümayiş etdiriləcək.
RUFANƏ
