İranlı rəssam Hadi Asadi yüzlərlə rəqibini məğlub edərək Tehranda keçirilən Tramp cizgi film yarışının qalibi olub. Onun qalib karikaturası prezident Trampı saçları alovlu, üzərində dollardan hazırlanmış paltar olan və əli ilə bir dəstə kitabın üzərinə döyən insan kimi təsvir edib.
Beynəlxalq Tramp cizgi film və karikatura müsabiqəsi adlandırılan yarış keçən ay elan olunub. Bu yarış İslam Dövləti və soyqırımı mövzusunda müsabiqə hazırlayan qrup tərəfindən təşkil olunub.
Təşkilatçı Əli Əsgər Cəfəri məruzəçilərə bildirib ki, Trampın davranışları İranın ABŞ-a etibarsızlıq səbəblərini müəyyənləşdirir: "Nəticədə biz sənətin potensialından onun davranışlarını nümayiş etdirmək üçün istifadə etməyi qərara aldıq. Şəxsi xarakteri üzündən Tramp dünya üçün müxtəlif problemlər yaradıb, onun İrana və İslam dünyasına qarşı davranışı xüsusən qeyri-ənənəvi xarakter daşıyır".
Bazar ertəsi Asadi 1500 dollar pul mükafatı ilə təltif olunub. O, mətbuata ABŞ prezidentinin pulpərəst düşüncəsi və münaqişələri daha da qızışdıran təbiətini göstərmək istədiyini bildirib.
Təşkilatçılar müsabiqədə 75 ölkədən rəssamın iştirak etdiyini, 1600 sənət əsərindən dördünün Birləşmiş Ştatlara aid olduğunu bildiriblər. Karikaturalardan bir çoxu Trampı Hitlerlə müqayisə edib. Burada diqqətçəkən məqamlardan biri də faşist simvolu əsasında loqo istifadə olunması olub.
RUFANƏ
