ABŞ prezidenti Donald Tramp tərəfindən mayın 9-da vəzifədən azad edilən Federal Təhqiqatlar Bürosunun (FBİ) direktoru Ceyms Komi, Senat Kəşfiyyat Komitəsində tarixi bir ifadə verib. Baki-xeber.com xəbər verir ki, Komi senatorlar qarşısında xalqa açıq şəkildə Rusiyanın prezident seçkilərinə müdaxiləsinə dair iddialarla əlaqədar sualları cavablandırıb.
ABŞ prezidenti Donald Tramp tərəfindən mayın 9-da vəzifədən azad edilən Federal Təhqiqatlar Bürosunun (FBİ) direktoru Ceyms Komi, Senat Kəşfiyyat Komitəsində tarixi bir ifadə verib. Komi senatorlar qarşısında xalqa açıq şəkildə Rusiyanın prezident seçkilərinə müdaxiləsinə dair iddialarla əlaqədar sualları cavablandırıb.
Keçmiş FBI direktorunun Trampla danışıqlarını qeydə aldığı əvvəl də ortaya çıxmışdı.
Sabiq FBI direktoru ABŞ Konqresindəki ifadəsində, Tramp rəhbərliyinin vəzifədən azad etdikdən sonra ona qarşı kampaniya apardığını və FBİ haqqında yalan söylədiyini iddia edib.
Komi, Trampın Rusiya araşdırmasında heç vaxt adının keçmədiyini ona bir neçə dəfə dediyini qeyd edib.
Trampın, onu Rusiya araşdırmasına görə qovduğunu deyən keçmiş kəşfiyyat başçısı bildirir: "FBI direktorunu qovmaq üçün qanuni bir səbəb olmamasına baxmayaraq rəhbərlik, daha sonra məni və FBI-nı qaralamağa başladı. Bunların hamısı yalandır”.
Komi, Trampın ondan Rusiya istintaqını dayandırmasını tələb etmədiyini, ancaq keçmiş Milli Təhlükəsizlik müşaviri Maykl Flinn haqqındakı istintaqa son verilməsini istədiyini deyib.
Trampın bu istəyinə təəccübləndiyini söyləyən Komi, FBİ-dakı həmkarlarının da bununla bağlı narahat olduğunu deyib: "General Flinn, qanuni olaraq təhlükə altında idi. FBI tərəfindən haqqında istintaqı gedirdi. Buna görə Trampın tələbini doğru saymadım".
“Prezident brifinqdən sonra otaqdakı digər rəsmilərə təşəkkür edərək, hər kəsə mənimlə tək danışmaq istədiyini dedi. Kreslomdan oturarkən ədliyyə naziri mənə yaxınlaşdı, ancaq prezident ona da təşəkkür edərək mənimlə tək danışmaq istədiyini təkrarladı. Otaqdan son olaraq Cared Kuşner (Trampın kürəkəni) çıxdı. Otaqda tək qalanda prezident mənə “Flinn haqqında danışmaq istəyirəm" dedi. Flinn bir gün əvvəl istefa vermişdi. Prezident Flinnin ruslarla görüşərək səhv bir iş görmədiyini, ancaq prezident köməkçisini səhv istiqamətləndirdiyi üçün onu vəzifədən uzaqlaşdırmaq məcburiyyətində qaldığını deyib. Prezident onun haqqında bəzi başqa narahatlıqları olduğunu bildirdi, amma bunlar haqqında bir detal açıqlamadı” – deyə o bildirib.
Komi, Trampın Flinnlə əlaqədar sözlərini təlimat kimi deyil, bir istiqamət kimi gördüyünü deyib, ancaq dəyətləndirmədən sonra Flinn barədə istintaqın davam etdirilməsinə qərar verdiklərini vurğulayıb.
Keçmiş prezidentlər Corc Buş və Barak Obama dövründəki xüsusi görüşlərdə qeydlər aparmağa ehtiyac duymadığını deyən Komi, ancaq Trampla görüşlərini "bir gün özünü və FBI-nın bütövlüyünü müdafiə etmək üçün lazım ola bilər" deyə qeydə aldığını ifadə edib.
"Açığı onun (Trampın), görüşlərimizdə yalan danışa biləcəyi barədə şübhəliydim, buna görə də onları qeydə almağın əhəmiyyətli olduğunu düşündüm" - deyən Komi bununla bilavasitə Trampa güvənmədiyini açıq bəyan edib.
Sabiq FBI direktoru Trampla görüş barədə qeydləri də, mediaya bir tanışı vasitəsilə ötürdüyünü etiraf edib.
Rusiyanın seçkilərə kiber-hücumla müdaxilə etdiyinə ilk gündən bəri şübhəsi olmadığını deyən Komi, bununla yanaşı hücumların seçkinin nəticələrinə təsir etmədiyini də vurğulayıb.
Komi Senat ifadəsindən əvvəl yaydığı açqılamada 4 ayda Trampla 9 dəfə görüşdüklərini deyib. Görüşlərin birində o, Tramp haqqındakı iddialara da toxunub. Keçmiş bir ingilis agenti tərəfindən hazırlanan sənədlərdə, Rusiya kəşfiyyatında Trampın şəxsi həyatına dair kompromat və görüntülər olduğu iddia edilmişdi. Ancaq Komi ifadəsində ABŞ prezidentinin ittihamları rədd etdiyini və ittihamlardan iyrəndiyini dediyini qeyd edib.
Sabiq FBI şefinin yazılı ifadəsi yayılandan sonra, Trampı Rusiyanın seçkilərə müdaxiləsini ört-basdır etmək cəhdində günahlandıran Nümayəndələr Palatasının üzvü Al Qrin, prezidentin vəzifədən uzaqlaşdırılması üçün rəsmi kampaniya başlatmaq niyyətində olduğunu bildirib: "Nəhayət vəzifədən uzaqlaşdırmaq üçün impiçment layihəsi hazırlanmalıdır. Bu layihənin hazırlanma prosesində birbaşa iştirak edəcəyəm. Əgər bunu başqaları etməsə, mən şəxsən Donald Trampın vəzifədən uzaqlaşdırılması üçün layihəni hazırlayıb Konqresə təqdim edəcəyəm".
