Birləşmiş Millətlər Təşkilatının Təhlükəsizlik Şurası (BMT TŞ) ABŞ-ın Suriyanın Humus şəhərindəki Şayrat hərbi bazasında hücumunun ardından Bolivyanın tələbilə fövqəladə toplantı keçirib.
Baki-xeber.com xəbər verir ki, Suriya rejimindən bir nümayəndənin də iştirak etdiyi iclasda İngiltərənin BMT nümayəndəsi Metyu Rikroft İdlibə kimyəvi hücum etməkdə günahlandırdığı Suriya prezidenti Bəşər Əsədin, hərəkətlərilə Rusiyanı rəzil etdiyini deyib.
"Suriyalıların yeni bir dövr üçün Əsədsiz rəhbərliyə ehtiyacı var. Əsədə təzyiq edəcəyini söyləyən Rusiyanın da sözlərinə əməl etməsi lazımdır. Amma bunun əvəzinə Əsəd, atəşkəsə əməl etmədi, humanitar yardımın keçişinə icazə vermədi və indi də xalqına qarşı kimyəvi silah istifadə edərək, hər fürsətdə Rusiyanı rəzil edir" deyə Rikroft bildirib.
Fransanın BMT nümayəndəsi Fransua Delattre isə Şayrat hava bazasına ABŞ hücumunu dəstəkləyərək bunu bir cavab haqqı olduğunu deyib: "ABŞ-ın hücumu, bu (kimyəvi) hücumlara qanuni bir cavabdır və gələcəyə dair böyük bir siqnaldır. Bu hadisələr Suriyaya dair siyasi müzakirələri sürətləndirməyə kömək edə bilər".
Rusiyanın BMT-dəki daimi nümayəndəsinin müavini Vladimir Safronkov isə ABŞ, İngiltərə və Fransanın Suriya prezidenti Bəşər Əsəd və Rusiya ilə bağlı açıqlamalarına sərt reaksiya verib.
"Washington, London və Paris, Suriyanın qanuni rəhbərliyini devirmək mövzusunda paranoyakça bir fikrə batmış vəziyyətdədir. Bu, İngiltərənin BMT nümayəndəsi cənab Rikroftun şeytani və diplomatik olmayan davranışı və iclasdakı çıxışından da görünür. Hörmətli Rikroft, ölkəmə qarşı əsassız, professional olmayan ifadələr və ittihamlardan imtina edin. Sizi bir daha xəbərdar edirəm, Ərəb ölkələrilə münaqişəyə girməyə çalışmayın, bundan xeyirli bir şey çıxmaz" - Safronkov deyib.
ABŞ-ın BMT-dəki daimi nümayəndəsi Haley isə, Suriyanın Şayrat hərbi bazasına qarşı hərbi əməliyyata bağlı, "Çox ölçülü bir addım atdıq, bunu davam etdirməyə hazırıq, lakin ümid edirik ehtiyac qalmaz" deyib.
