Məlum olduğu kimi, ötən il ABŞ Konqresi, Obama administrasiyasının veto hədələrinə baxmayaraq, 11 sentyabr qurbanlarının yaxınlarına Səudiyyə Ərəbistanı və əcnəbi şəxslərin məhkəməyə çəkmək imkanı verən qanunu səs çoxluğu ilə qəbul edib.
Baki-xeber.com xəbər verir ki, bundan əvvəl Səudiyyə Ərəbistanı əleyhinə iddia qaldıran, ancaq nəticə ala bilməyən zərərçəkmiş ailələr və Amerika sığorta şirkətləri, bu qərarın ardından təkrar hərəkətə keçərək Nyu Yorkda yenidən iddia qaldırıb.
Bir neçə gün əvvəl təxminən 800 zərərçəkmişin adına açılan iddiaların ardından, bu dəfə də Amerika sığorta şirkətləri Manhattan Federal Məhkəməsində Səudiyyə Ərəbistanı və “Əl Qaidə”yə pul köçürdüklərini iddia etdikləri bəzi Səudiyyə fondlarına qarşı təzminat davası açıb. Zərərçəkmiş ailələrin vəkilləri və sığorta şirkətləri Səudiyyə Ərəbistanı və sözügedən vəqflərin “Əl Qaidə”yə maliyyə dəstək verdiyini iddia edir, Səudiyyə Ərəbistanı isə bu iddiaları rədd edir.
Mütəxəssislər, sözügedən iddiaların ABŞ maliyyə bazarlarına və Nyu-York birjasına təsirinə diqqət çəkir. Dünyanın ən böyük enerji firması olan Səudiyyə milli neft şirkəti “Aramco”nun gələn il səhmlərinin ilk ictimai satışının (IPO) reallaşacağına işarə edən mütəxəssislər, Səudiyyə Ərəbistanı hökumətinin “Aramco”nun IPO-su üçün Nyu-York birjası yerinə London, Honq-Konq və Tokio birjalarına yönələ biləcəyini vurğulayır.
Digər tərəfdən, ABŞ-ın uzun illərdir Yaxın Şərqdəki yaxın müttəfiqi Səudiyyə Ərəbistanına qarşı açılan iddiaların iki ölkə arasındakı əlaqələri mənfi təsir edəcəyi gözlənir.
