Türkiyənin Ailə və sosial siyasət naziri Fatma Betül Sayan Qayanı Türkiyə konsuluğuna buraxmayaraq böyük bir qalmaqala imza atan Niderlanddakı hadisələrlə bağlı yeni faktlar ortaya çıxır.
Baki-xeber.com milliyet.com.tr-yə istinadən xəbər verir ki, Rotterdam bələdiyyə sədri Ahmed Aboutaleb, nazirin avtomobilinin dayandırılması və deportasiya edilməsi zamanı Niderland xüsusi təyinatlılarına atəş açmaq icazəsi verildiyini deyib.
Aboutaleb, türk nazirin yanında 12 nəfərin olduğunu və onların silahlı olub-olmadığını bilmədiklərini deyib. O, türk nazirin yanındakı şəxslərin atəş açmaq ehtimalını düşündükləri üçün xüsusi təyinatlıları da hadisə yerinə göndərdiklərini ifadə edib.
Aboutaleb, jurnalistin "Bir nazir gəlmişdi, orada nə ola bilərdi ki?" sualına, "Nazirin mühafizəçiləri atəş aça bilərdi" ifadəsini işlədib. O, xüsusi təyinatlıların yalnız mühafizəçilər üçün göndərildiyini söyləyib.
Bələdiyyə sədri "Nazirin mühafizəçilərinin polisin təslim ol xəbərdarlığına tabe olmayıb əllərini kəmərlərinə doğru aparacaqları halda Niderland xüsusi təyinatlılarına atəş açmaq icazəsi verilmişdi" deyərək hadisənin əslində daha dəhşətli nəticələrə səbəb ola biləcəyini ortaya qoyub.
Qeyd edək ki, Türkiyənin Rotterdamdakı Baş konsulluğuna daxil olmağa icazə verilməyən Qayanın əvvəl mühafizəçiləri saxlanıb. Qayanı avtomobilindən çıxarmağa çalışan polis, evakuator gətirərək avtomobili zorla apamağa cəhd edib. Avtomobildən enmək məcburiyyətində qalan türk nazir başqa bir avtomobillə polis nəzarətində Almaniyaya aparılıb.
