Türkiyə ABŞ-a Suriyada yerüstü əməliyyatların keçirilməsi üçün quru qoşunlarını regiona yerləşdirməyi təklif edib.
Baki-xeber.com-un xəbərinə görə, bu barədə Suriya XİN başçısı Mövlud Çavuşoğlu Münhen təhlükəsizlik konfransında çıxışında bildirib. O deyib ki, iki gün öncə ABŞ Silahlı Qüvvələrinin Baş Qərargah rəisi Cozef Danford Türkiyəyə səfər edib və Türkiyə tərəfi səfər zamanı həmin təklifi Danfordun diqqətinə çatdırıb. Bildirib ki, bu addım yerli mülayim müxalifətə yardım məqsədilə atılmalıdır. Çavuşoğlu Türkiyə Silahlı Qüvvələrinin ötən ilin 24 avqustundan başlatdığı “Fərat qalxanı” əməliyyatlına diqqət çəkərək deyib ki. tezliklə Əl-Bab da azad olunacaq və Rakka üzərinə müttəfiqlərlə, ABŞ-la getmək olar. Türkiyə XİN başçısı eyni zamanda hesab edir ki, növbəti mərhələdə Rusiya, İran və regiondakı digər ölkələrin yardımı ilə Suriyada tam atəşkəsin təmin olunması mümkün olacaq. Çavuşoğlu deyib ki. Əsədlə bağlı Türkiyə və Rusiyanın mövqeləri üst-üstə düşməyə bilər, lakin digər ölkələrlə Suriya nizamlanması üzrə baş tutmayan danışıqlarımız Moskva ilə uğurla davam edir. O deyib ki, Suriya münaqişəsi üzrə Astana görüşü tərəflər arasında inamın bərpa olunmasında önəmli rol oynadı, indi həmin diskussiyanın Cenevrədə davam etdirilməsinin vaxtıdır.
