Fransa prezidenti Emmanuel Makrondan sonra İtaliya Baş naziri Corciya Meloninin Rusiya ilə dialoqu bərpa etmək çağırışlarından sonra daha bir açıqlama Avropa Birliyi (AB) Komissiyasının sözçüsü Paulo Pinyodan gəlib.
İtaliya və Fransanın Rusiya ilə dialoq təklifi ilə bağlı suala Pinyo Ukraynada sülhün yalnız bir nəfərdən asılı olduğunu və həmin şəxsin Putin olduğunu bildirib.
"Nə vaxtsa Rusiya Prezidenti Vladimir Putinlə danışıqlar aparmalı olacağıq", - deyə Pinyo hazırda sülh danışıqları çərçivəsində davam edən intensiv səylərə diqqət çəkib.
Putinin bu səylərə yaxın durmadığını vurğulayan Pinyo, hələlik bu nöqtədə olmadıqlarını deyib: "Hələ ki, o nöqtədə deyilik, amma ümid edirik ki, bir nöqtədə Ukraynada sülhə gətirib çıxaracaq danışıqlar baş tutacaq".
Pinyo danışıqların nə vaxt baş tutacağı barədə fərziyyələr irəli sürməyəcəyini deyib.
TAHİR
