İranda iqtisadi problemlər üzündən başlayan etirazlar 14 gündür davam edir. Səhiyyə Nazirliyindəki mənbələrə görə, ölənlərin sayı 217-yə çatıb.
“Time” jurnalına anonimlik şərti ilə danışan Tehranda bir həkim paytaxtdakı altı xəstəxanada "əksəriyyəti güllə yarası almış, ən azı 217 etirazçının ölümünün" qeydə alındığını bildirib.
BBC-nin Fars xidməti Tehranda bir xəstəxana işçisinin "təxminən 38 nəfərin" öldüyünü, bunların əksəriyyətinin başına və ürəyinə dəyən güllələrdən öldüyünü bildirib. Bu arada, şimal-şərqdəki Neyşabur şəhərində bir həkim bildirib ki, hakimiyyət orqanları cümə günü orada "hərbi silahlardan" istifadə edərək "ən azı 30 nəfəri" öldürüb.
CNN-ə danışan bir qadın həkim deyib: "Onların arasında uşaqlar da var idi. 5 yaşlı uşaq anasının qucağında olarkən güllələnib". Hücumlarda çoxlu insan yaralanıb və təhlükəsizlik orqanları həmçinin ətrafdakılara və piyadalara da atəş açıblar. Həkim xəstəxanaların həddindən artıq dolu olduğunu və yaralıların xəstəxanaya yatırılmaqdan və ya şəxsiyyətlərinin açıqlanmasından "qorxduğunu", bunun da insanları özəl klinikalarda müalicə almağa vadar etdiyini deyib.
TAHİR
