İranda artıq 12 gündür davam edən rejim əleyhinə etirazlar paytaxt Tehran da daxil olmaqla bir çox şəhərlərə yayılıb. Hökumət qüvvələrinin sərt müdaxilsəsi nəticəsində ölənlərin sayı 40-a yaxınlaşır.
İran rejiminin sərt tədbirləri ilə qarşılaşan etirazlar ABŞ prezidenti Trampın da diqqətini çəkib. Tramp, İran rəsmilərinin etirazçıları "öldürməyə" başlasalar, İrana qarşı sərt tədbirlər görəcəyi ilə hədələyib.
"Mən onlara dedim ki, əgər insanları öldürməyə başlasalar - adətən iğtişaşlar zamanı belə edirlər - bunu etsələr, biz çox sərt cavab verəcəyik" – deyə Tramp bildirib.
Etirazlarda ölənlərin sayı barədə suala, isə Tramp belə cavab verib: "Bunun üçün kimisə məsuliyyətə cəlb edə biləcəyimə əmin deyiləm, amma... onlara çox sərt şəkildə - hətta indi sizə dediyimdən daha sərt şəkildə - əgər bunu etsələr, cəhənnəm əzabı çəkəcəklər".
TAHİR
