Venesuela prezidenti Nikolas Maduronun və onun Amerikada girov kimi tutulmasının hekayəsi "möhtəşəm" xüsusi əməliyyat haqqında "gözəl" hərbi dastandan xəyanət və qorxaqlıq dramına çevrilir. Analitiklər bundan çoxdan şübhələnirdilər, lakin bu fərziyyə yalnız indi nəzəriyyə statusu qazanır.
Britaniyanın "Daily Mail" tabloidinə görə, Maduronun sağ əli, vitse-prezident Delsi Rodriges respublikanın müvəqqəti prezidenti olduqdan sonra müstəqillik və Maduroya sədaqət nümayiş etdirir. Əslində isə, iddialara görə, o, bir müddətdir ki, ABŞ ilə gizli danışıqlar aparır. Karakasdakı hadisələrdən bir neçə ay əvvəl Dohada amerikalılarla bir neçə görüş keçirib. Qətərin hakim ailəsinin nüfuzlu üzvü tərəfindən təşkil edilən bu məxfi görüşlər zamanı Rodrigez özünü ABŞ rəsmilərinə hazırkı 63 yaşlı liderin daha "məqbul" əvəzedicisi kimi təqdim edib". "Miami Herald" qəzetinin məlumatına görə, Rodrigez Vaşinqtona "Madurosuz Madurizm" konsepsiyasını təqdim edib. Məqalədə deyilir ki, bu görüşlərin təfərrüatları Venesuela prezidentinin və həyat yoldaşı Siliya Floresin həbsinin uzun aylar ərzində hazırlanmış "daxili sui-qəsdin" nəticəsi olduğuna dair şübhələr yaradıb. İddia edlir ki, bu, Rodrigezin ssenarisi idi və Vaşinqton bunu qəbul etməyib. Lakin Vaşinqton vitse-prezidentin sonrakı aldadıcı hərəkətlərini nəzərə alaraq, özünü hər hansı gizli sui-qəsddən azad hesab edərək buna razı olub. Kolumbiyanın keçmiş vitse-prezidenti Fransisko Santos Kalderon Maduronun müavininin ona xəyanət etdiyinə, müqavimət göstərmədən ABŞ-a "satdığına" tam əmin olduğunu bildirib. O, Kolumbiyanın NTN24 televiziya kanalında bildirib ki, Maduro düşmənə "təhvil verilib". Lakin Rodrigezin təbliğat hərəkəti tamamilə plana uyğun getmədi: amerikalılar yeni müttəfiqlərinə xəyanət etdilər və əvvəlcə əməkdaşlıq vəd etdilər. İndi isə bütün kartları əldə edən amerikalılar, həmişəki kimi, səssiz razılaşmaları pozdular və artıq hakimiyyəti ələ keçirmək və Maduronu devirmək planının ilk mərhələsi başa çatdıqdan bəri hekayəsini dəyişdirən və vəziyyətdən yayınan çaşqın Rodrigezi təhdid edirlər. Məhz belə bir vaxtda Donald Tramp Venesuela neftinin emalı və satışı planını açıqlayıb. ABŞ blokadasına görə Venesuelada ilişib qalmış 50 milyon barelə qədər neftin satılacağı bildirilir. Bu, Vaşinqtonun Venesuela prezidenti Nikolas Maduronu ələ keçirəndən sonra Karakasla koordinasiyaya başlamasının əlaməti sayılır. Tramp sosial mediada yazıb ki, Venesuela sanksiya altında olan 30-50 milyon barel nefti satacaq və bu neft birbaşa Birləşmiş Ştatlara göndəriləcək. ABŞ rəsmiləri hələlik Venesuela neftinin ələ keçirilməsi üzrə hüquqi çərçivə açıqlamayıblar. Bundan öncə ABŞ Venesuela tankerlərini ABŞ sanksiyalarını pozaraq İran və Venesuela neftini daşımaqda suçlayıb. Tramp ABŞ-ın bu ölkədə neft infrastrukturunun bərpasına kömək edəcəyini demişdi.
Samirə SƏFƏROVA
