İranın Ali Lideri Ayətullah Əli Xamenei ölkədə etirazlara səbəb olan iqtisadi tələblərin qanuni olduğunu və hökumətin bu məsələləri həll etməyə çalışdığını bildirib.
Ayətullah Əli Xamenei Həzrət Əlinin doğum günü və ABŞ-ın Qasım Süleymaninin öldürülməsinin ildönümü münasibətilə keçirilən iclasda çıxışında ölkədə valyuta dəyişkənliyindən qaynaqlanan son etirazlara münasibət bildirib.
Türkiyənin “Yeni Şafak” qəzetinin xəbərinə örə, iqtisadi tələblərin haqlı olduğunu bildirən Xamenei rialın devalvasiyası və valyuta məzənnələrindəki qeyri-sabitliyin biznes mühitinə mənfi təsir etdiyini bildirən Xamenei tacirlərin şikayətlərinin haqlı olduğunu və bu məsələnin həlli üçün əsasən prezident Məsud Pazeşkian tərəfindən səylər göstərildiyini qeyd edib.
Məzənnədəki artımın İran düşmənlərinin müdaxiləsi ilə əlaqəli olduğunu iddia edən Xamenei deyib:
"Məzənnədəki izah olunmayan artım və qeyri-sabitlik təbii deyil, düşmənin işidir. Düşmən boş dayanmır və hər fürsətdən istifadə edir. Onlar burada bir fürsət gördülər və bundan istifadə etmək istəyirdilər. Əlbəttə ki, rəsmilərimiz yerində idilər və olacaqlar".
Etirazçılarla xaos yaratmağa çalışanlar arasında fərq qoymaq lazım olduğunu vurğulayan Xamenei bildirib ki, etiraz etmək məqbuldur, lakin etiraz etmək xaos yaratmaqdan fərqlidir. “Biz etiraz edənlərlə danışırıq, amma xaos yaradanlarla danışmağın mənası yoxdur. Xaos yaradanlara dərs verilməlidir"- o deyib.
Qeyd edək ki, İrandakı etirazlarda bir təhlükəsizlik işçisi də daxil olmaqla 20 nəfərin həyatını itirdiyi açıqlanıb.
SAMİRƏ
