“Politico” xəbər verir ki, Tramp administrasiyası neft şirkətlərindən Latın Amerikası ölkəsində ələ keçirilən aktivlərinə görə təzminat almaq istədikləri təqdirdə Venesuelaya böyük pul köçürmələrini tələb edir.
Nəşr ABŞ rəsmilərinə istinadən yazır: "Neft şirkətləri qazma qurğuları, boru kəmərləri və Venesuela hakimiyyəti tərəfindən ələ keçirilən digər əmlaklarına görə təzminat almaq istəyirlərsə, sənayenin bərpasına sərmayə qoymağa hazır olmalıdırlar". Eyni zamanda, Politico-nun yazdığı kimi, bu cür bəyanatlar ölkənin gələcək rəhbərliyi ilə bağlı qeyri-müəyyənlik, eləcə də işçilər və avadanlıqlar üçün təhlükəsizlik problemləri səbəbindən Venesuela yataqlarında bərpa işləri üçün hələlik heç bir imkan görməyən neft sənayesi nümayəndələrinin narahatlığına səbəb olur. Bir gün əvvəl Tramp mətbuat konfransında ABŞ-ın iri neft şirkətlərinin Venesuelaya “ölkənin dağılmış neft infrastrukturunu bərpa etmək və ölkəyə pul qazanmağa başlamaq” üçün sərmayə qoyacağını açıqlamışdı. O qeyd edib ki, Latın Amerikası respublikasının neft sənayesi uzun müddətdir ki, tənəzzülə uğrayıb və hasilat səviyyəsi ola biləcəyi ilə müqayisədə olduqca aşağıdır. Yanvarın 3-də ABŞ ordusu Venesuela paytaxtına və Karakas ətrafındakı hərbi obyektlərə silsilə zərbələr endirib. Prezident Donald Tramp daha sonra Cənubi Amerika respublikasının lideri Nikolas Maduronun tutulduğunu açıqlayıb. Bundan əvvəl Dövlət Duması ABŞ-ın Venesuelaya hücumunun səbəbinin neft olduğunu bəyan edib. İRADƏ
