Mingəçevir Dövlət Universiteti (MDU) Azərbaycan-Türkiyə ali təhsil əməkdaşlığında daha bir mühüm addım atıb və Ege Universiteti ilə İkitərəfli Əməkdaşlıq Protokolu imzalayıb.
Bu barədə MDU-nun rektoru Anar Eminov məlumat verib. “Daha bir yeni əməkdaşlıq və inkişaf perspektivi… Qardaş ölkə Türkiyə Cümhuriyyətinə səfərimiz böyük dövlət universitetlərindən hesab edilən Ege Universitetindən davam etdi”-deyə rektor bildirib. Protokol və razılaşmalarda aşağıdakı mühüm əhəmiyyət kəsb edən istiqamətlər olub: MDU tələbələri üçün Mühəndislik, İqtisadiyyat və menecment ixtisasları üzrə magistratura və doktorantura təhsili, Türkiyənin ən böyük “ORHUN Mübadilə Proqramı”nın icraçılarından olan Ege Universiteti müəllim və tələbələrin EGE-də 1 semestrlik təhsil alma imkanlarının yaradılması, yeni Tədris Laboratoriyaların və Mərkəzlərin yaradılması məqsədi ilə inzibati və katiblik heyətinin təcrübə üçün EGE-yə ezam edilməsi Birgə elmi-tədqiqat layihələrinin həyata keçirilməsi və nəticələrinin nəşri, elmi konfrans, seminar və simpoziumların birgə təşkili, innovativ təlim platformalarının və tədris resurslarının paylaşılması. “İkili magistratura proqramlarının, eləcə də bakalavriat səviyyəsində “Xarici dil müəllimliyi (ingilis dili üzrə)” və “Dil və ədəbiyyat müəllimliyi (ingilis dili üzrə)” ixtisasları üzrə hazırlanmasına başlanıldı. Ən əsası Ege Universitetinin Kitabxana İnformasiya Resurlarından Mingəçevir Dövlət Universitetinin müəllim və tələbələrinə ödənişsiz istifadə imkanları barədə razılıq əldə edildi. Tədris proqramlarının uyğunlaşdırılması (əsasən Ege Universitetində keçirilən dərslərin MDU-da tətbiqi imkanları) və bu sahədə qonaq Türk professorların online və ya birbaşa dərslərə qatılma imkanların təqbiqi Ege Universitetinin rektoru, professor Dr. Necdet Budaka MDU-nun nümayəndə heyətini səmimiyyətlə qarşıladığı üçün dərin təşəkkürümü bildirirəm”-deyə A.Eminov qeyd edib. Görüşün səmimi və dostluq atmosferində keçdiyini, tərəflərin gələcəkdə ortaq layihə və proqramların həyata keçirilməsi barədə razılığa gəldiyini qeyd edən rektor vurğulayıb ki, İzmirdə imzalanan Dokuz Eylül və Ege Universitetləri ilə imzalanma protokolların MDU üçün böyük imkanlar açacağından əmindir. “Qeyd edim ki, bu əməkdaşlıqlar MDU beynəlxalq tərəfdaşlıq xəritəsini daha da genişləndirərək Azərbaycan-Türkiyə təhsil əlaqələrinin möhkəmlənməsində növbəti mərhələyə imza atır”-deyə A.Eminov bildirib. Leyla QARAXANLI
