Naxçıvan Muxtar Respublikasının 100 illiyi ilə bağlı dekabr ayı ərzində "MƏKTƏBLƏRDƏ NAXÇIVAN AYI" layihəsi elan olunub.
Bu günlərdə Bakı şəhəri üzrə Təhsil İdarəsinin 3 saylı Uşaq-Gənclər İnkşaf Mərkəzində "NAXÇIVAN-QƏDİM DİYAR" adlı möhtəşəm təqdimatda iştirak etdim. Naxçıvan nemətləriylə bəzədilmiş süfrə, gənc rəssamların rəngli boya ilə çəkdikləri Naxçıvan mənzərələri o qədər möhtəşəm idi ki, müsbət auranın təsirindən hələ də qopa bilmirəm. Təqdimatı Mərkəzin direktor müavini Kəmalə xanım açaraq torpqalarımızın azadlığı uğrunda şəhid olan igidlərimizi sayğı duruşu, ardından Dövlət Himnimizin səslənməsini təklif etdi. Daha sonra Kəmalə xanım qonaqları təqdim edərək bir-birinin ardınca özəl,maarifləndirici çıxışlar və Mərkəzin istedadlı gənclərinin ifasında Naxçıvana həsr olunmuş mahnılar, şeirlər səsləndi. Öncə Mərkəzin müəllimi Aişə Abdullayevanın hazırladığı Naxçıvan Muxtar Respublikasının yaradılması, Naxçıvanın qədim tarixi, mədəni irsi, tarixi abidələri haqqında maraqlı "Naxçıvan - dünyanın möcüzə və sirlərlə zəngin qədim naxışı" adlı geniş təqdimat oldu. AMEA A.A. Bakıxanov adına Tarix və Etnoqrafiya institutunun "Qərbi Azərbaycan Tarixi" şöbəsinin müdiri, tarix elmləri üzrə fəlsəfə doktoru Cəbi Bəhramovun Naxçıvanın tarixiylə bağlı geniş, maarifləndirici çıxışı, şair-publisist "Qızıl Qələm" Media mükafatçısı AMEA Nizami Gəncəvi adına Ədəbiyyat institutunun əməkdaşı İbrahim Yusifoğunun Naxçıvanla bağlı xatirələri və öz ifasında səsləndirdiyi "Naxşıvanım" şeiri alqışlarla qarşılandı. Ədəbiyyatşünas ,filologiya üzrə elmlər doktoru AMEA Nizami Gəncəvi adına Ədəbiyyat institutunun ‘’Yeni dövr Azərbaycan ədəbiyyatı’’ şöbəsinin baş elmi işçisi ,Azərbaycan Yazıçılar Birliyi,Azərbaycan Jurnalistlər Birliyinin üzvü Lütfiyyə Əsgərzadə Naxçıvanla bağlı düşüncələrini paylaşaraq ‘’Uşaq Gənclər Mərkəzi’’nə kitabını hədiyyə etdi. Daha sonra söz mənə ,filologiya üzrə fəlsəfə doktoru,Milli Mədəniyyətin Təbliği ictimai birliyin rəhbəri,araşdırmaçı jurnalist Jalə Cəfərovaya verildi. Mən də Naxçıvanla bağlı xatirələrimi ,eləcə də bu torpağın adlı-sanlı ,dünya şöhrətli rəssamı ,20 yaşından ömrünün sonuna qədər Türkiyədə mühacir həyatı yaşayan, 1924-25 -ci illərdə Qazi Mustafa Kamal Atatürkün naturadan rəsmini çəkən İbrahim Səfi haqqında yazdığım ‘’Rəngləri danışdıran adam’’ kitabını Mərkəzin direktoru Lalə Qətiyə təqdim etdim. Lalə xanım qeyd etdi ki ‘’ Biz böyük məmuniyyətlə sizi bir daha dəvət edib İbrahim Səfi haqqında geniş məlumat alıb və filminizə də tamaşa edəcəyik. ‘’ Təqdimat böyük ruh yüksəkliyi ilə başa çatdı. Mərkəzin direktor müavini Kəmalə xanım layihənin ərsəyə gəlməsində zəhməti keçən hər kəsə və qonaqlara təşəkkür etdi.
Jalə Cəfərova
