Xəzər Media Mərkəzinin Baş direktoru, xalq artisti Murad Dadaşov tanınmış jurnalist, media mütəxəssisi və publisist, Xəzər TV-nin qurulmasında da böyük xidmətləri olmuş professor Qulu Məhərrəmlini 70 illik yubileyi münasibətilə təbrik edir. Bu münasibətlə yubilyara ünvanlanmış təbrik məktubunda deyilir:
Hörmətli Qulu müəllim! Sizi yubileyiniz münasibətilə ən xoş arzularımla təbrik edirəm.
Fenomenal təfəkkür sahibi, müasir Azərbaycan jurnalistikasının görkəmli nümayəndəsi, böyük müəllim, sayılıb seçilən dəyərli ziyalımız. Məhsuldar və səmərəli fəaliyyətiniz ərzində daim yüksək peşəkarlıq, obyektivlik, prinsipiallıq, əsl vətəndaş mövqeyi nümayiş etdirərək xalqımızın mütərəqqi mətbuat ənənəlirini layiqincə davam etdirmiş, milli medianın inkişafına öz töhvələrinizi vermisinz. Sizin mükəmməl və fundamental araşdırmalarınız böyük elmi əhəmiyyət kəsb edir. Jurnalistika sahəsində yüksəkixtisaslı mütəxəssislərin hazırlanmasında əvəzsiz xidmətləriniz var. Əminəm ki, yaratdığınız elmi məktəb həmişə öz aktuallığını qoruyub saxlayacaq və xalqımıza xidmət edəcəkdir.
Bu xoş fürsətdən istifadə edərək Sizə möhkəm can sağlığı, könül rahatlığı arzulayır, fəaliyyətinizdə müvəffəqiyyətlər, yüksək nailiyyətlər diləyirəm.
P.S. Redaksiyamızın kollektivi də bu təbrikə qoşulur, müasir Azərbaycan mediasının formalaşmasına önəmli töhfələr vermiş, həmçinin jurnalistika və dilçilik elminin inkişafında ciddi rol oynamış dəyərli həmkarımıza can sağlığı və daha böyük yaradıcılıq uğurları arzulayırıq.
