Vətən müharibəsində şəhidlik zirvəsinə ucalan igidlərimizin uyuduqları Şəhidlər məkanına eləcə də ailələrinə ziyarəti davam edir. Nə qədər çətin olsa da anım mərasimlərində ən azından igid oğullarımızın əzizləriylə bir neçə saat vaxt keçirib xatirələrlə az da olsa ovunaraq təsəlli tapırsan.
Sənan Hüseynov Qarabağımızın ürəyi hesab olunan Şuşamızın azadlığa qovuşmasından bir neçə saat öncə döyüşlərdə həlak olan igid kəşfiyyatçılarımızdandır. ‘’Kiçik dünyanın böyük insanları’’ kitabımın qəhramanlarından biridir. Qəlbi bala yanğısıyla param parça olsa da qapının kandarından hər kəsi gülərüzlə qarşılayan nur çöhrəli Alidə xanımla hər görüşdən sonra günlərlə özümə gələ bilmirəm .İgid oğullarımızın döyüş yolları bir-birinə bənzəmədiyi kimi isti ,sevgi dolu nəfəsiylə böyüdükəri ,xeyr-dualarıyla yola çıxdıqları əziz anaların da bir-birindən fərqli baxışlarının şahidi oluruq.
Dünənki ziyarətimiz zamanı da Alidə xanım yenə xoş, səmimi baxışlarıyla bizi qarşıladı. Əyləşdiyimiz otaqda Sənanın çox qısa ömrünün foto şəkillərldən boylanan həyat dolu ,sevgi dolu işıqlı siması sanki ziyarətinə gələnlərlə dil açıb danışırdı. Öncə qonaqlara müraciət etdim .
Təsdiqini tapmış və illərdir şahidi olduğumuz bir deyimi xatırlatmaq istərdim. ‘’İnsanlar yalnız unudulanda ölürlər’’. Ancaq müqəddəs kitabımız Qurani -Kərimdə ‘’ Şəhidlərə ölü deməyin ‘’müraciət olunur ,yəni bu o deməkdir ki bizlər xatırlamasaq belə onlar ALLAHIN dərgahında hər zaman diridilər. İstərdim Sənan haqda xatirələrinizi bölüşəsiniz....
Günəş xanım göz yaşlarını bir an da saxlaya bilməsə də təsəlli üçün deməyə söz də tapa bilmirdim. Günəş xanm(Sənanın xalası)Əslən Füzulidənik, ancaq Sənan Qazaxstanda dünyaya gəlib. Sənan əlimizdə böyüyüb,əvvəl sadəcə bizim balamız kimi tanıyırdıq, qeyrətli, hər kəsin yerini bilən , vətənini sevən .Sonra onu xalq tanıdı. Demək olar ki hər gün yuxuda görürəm....bu ağrı heç vaxt keçıb gedən ağrı deyil bunu siz də bilirsiz ,ancaq təsəllimiz odur ki Sənan vətənin ,dövlətin,ailəsinin başını uca elədi....
Arzu Həsənova Qazaxstanda bu gözəl ailəylə bir evli kimi həm də qonşu olmuşuq. Mən bu gün də elə bilirəm ki Sənanı təkcə ailəsi yox həm də mən də bir ana kimi itirmişəm. Sənanı oğlum hesab edirəm ,bu itkiylə barışa bilmirəm. Dünən də, bu gün də Sənanın adı çəkiləndə mən də Sənana ‘’ balam’’ deyə müraciət edirəm. Təsəllim yalnız onun Vətən uğrunda şəhid olmasıdır,ancaq Sənan balamın ağrısını mən də bir ömür daşıyacam... (Arzu xanım da göz yaşlarını boğa bilmədi ki bilmədi
Alidə xanım bəzən eyni sualı sizə də analara verdiyim üçün təkrarçılıq kimi qəbul etməyin. Sənan Şuşada gedən döyüşlərdə həlak oldu. Sənanla bərabər adı dillər əzbəri olmuş döyüşdə neçə igid itirdik. O gün bir anamıza da bu sualı verdim. Bir ömür ağrıyla yaşamaq olmaz,insanın yaşaması üçün içində bir işıq,təsəlli tapması lazımdır. Mən bilirəm ki o gülər üzünüzün arxasında bitib-tükənməyən nisgil də var. Demək ki ayaqda durmağa əmin olduğunuz,güc aldığınız qüvvə var...
Bilirsiz ki Sənan Aprel döyüşlərində də iştirak edib və Vətən müharibəsinə Hərbi komissarlıqdan çağırışla getmişdi .Dörd il keçsə də elə bilirəm Sənanı dünən itirmişəm. Əlbəttə insan təsəllisiz yaşaya bilməz. Bacım da dedi, Sənan vətəni qoruduğu üçün içimdə bir təskinlik var. Szlər də Sənanı unutmadıqca özümü yalnız hiss etmirəm və etməyəcəm . Tez-tez yuxuma gəlir Sənan. Dünən də gördüm ki telefonundan mənə çoxlu ürək şəkilləri göndərir. Mən də’’ Ay Sənan nə çox konturun var, mənə də kontur ,çoxlu şəkillərindən göndər. ‘’ dedim .Anaların ağrısı heç vaxt bitməz... Bu da belə tale idi Sənanım yaşadı..Sənan başqa cür həlak olsaydı mən dəli olardım...Cəmi şəhidlərimizin məqamə uca olsun.
Sənan Vidadi oğlu Hüseynov 01.04.1996-cı ildə Qazaxstan Respublikasının Aktau şəhərində anadan olub. 2008-ci ildə ailəsiylə birgə Azərbaycana köçüb və təhsilini Xəzər rayonu Binə qəsəbəsindəki 149 saylı tam orta məktəbdə davam etdirib. 2014 -2016-cı illərdə əsgəri xidmətdə olub. 2016-cı ildə Aprel döyüşlərində iştirak edib, kəşfiyyatçı idi. Vətən müharibəsində Şuşanın azad olunması uğrunda gedən döyüşlərdə həlak olub. Binə Şəhidlər Xiyabanında dəfn olunub. Subay idi. Anası və bir bacısı var.
Şəhid Sənan Hüseynov "Vətən uğrunda", "Füzulinin azad olunmasına görə", "Qubadlının azad olunmasına görə", "Şuşanın azad olunmasına görə" və "Cəsur döyüşçü" medalları ilə təltif edilib.
Jalə CəfərovaFilologiya üzrə fəlsəfə doktoru
